eSefarad Noticias del Mundo Sefaradi
LA ROZA DE LA AMISTAD
La roza de la Amistad
se murio.
La vida mezmo- presto
se troko.
Agora en mi korason yelado
punchones kresieron.
Alguna noche la roza viene
i mi suenyo
savor tiene.
Me despierto en la soledad
i bushka mi alma
la roza de la Amistad.
——————————————————————————
Grasia Jak Albuhayre
Livro Nº 3 – 2012
Sofia – Bulgaria
Gracia Jak Albuhaire es de Karnobat- sivdad chika en Bulgaria. Era profesora, jurnalista. Eskrive poezia i proza en bulgaro i poezia en djudeo- espanyol. Eya partisipa aktivamente en el klub “Ladino” de Sofia, Bulgaria.
