Poesía: KAMINO de Grasia Jak Albuhayre

Grasia Jak Albuhayire

KAMINO

Kero kon kavesa alta kaminar.
Kero las estreyas alkansar i tokar.
Ma komo topar el kamino?
El sol se esta apagando.
Las estreyas se estan guadrando.
Al lado ay solo un molino.
No esto topando kamino.
Mi alma ampesa apretarse:
-No te deshes, kamina!
– Arranka esta pesgada karga!
– En la eskuridad arde flama,
kon la lumbre de la amistad,
kamino va topar tu alma.

Grasia Jak Albuhayre
Livro Nº 3 – 2012
Sofia – Bulgaria