eSefarad Noticias del Mundo Sefaradi
EL ARVOLIKO
Un arvoliko kresio soliko
en el temel de la kaza.
Komo se va engrandeser sin saver
ke arvole ayi no puede kreser.
La ventana va tapar,
la pader va dorokar.
Arvoliko chiko,
ayi no ay lugar.
Kayo luvia. Sol salio.
El arvoliko engrandesio,
ojas kito i enfloresio.
La persona es komo el arvoliko,
krese i engrandese,
solo primi ke tienga pasensia.
——————————————————————————
Grasia Jak Albuhayre
Livro Nº 3 – 2012
Sofia – Bulgaria
Gracia Jak Albuhaire es de Karnobat- sivdad chika en Bulgaria. Era profesora, jurnalista. Eskrive poezia i proza en bulgaro i poezia en djudeo- espanyol. Eya partisipa aktivamente en el klub “Ladino” de Sofia, Bulgaria.
