eSefarad Noticias del Mundo Sefaradi
Haim Vitali Sadacca, que escribió y publicó poesía en turco en sus años jóvenes, ahora compone sólo poesía en ladino, su amada lengua ancestral. Los poemas, elegidos por el propio autor, expresan las aspiraciones universales del alma humana para el amor, el afecto, la compasión, la generosidad, la paz y la armonía. Disfrutaremos en esta sección la habilidad de Haim como poeta y su dominio de la lengua ladina.
Ver todos los artículos de esta sección >>
«Sakrifisyo»
Padre i madre dezeyamos respekto i amor,
Esta satisfaksyon azera olvidar el dolor,
Un arimo es muy sakro, mos dara enerjiya,
Nuestra vida sera dekorada de alegriya.
Kuando vyene la ora ke uno disparese,
El otro keda solo, fin de mundo le parese.
Bive kalmo, desgustozo i yeno de tristeza,
No esta mas su kerido al bodre de su meza.
No esta la persona ke partajava sus gozos,
Las ansyas ,las kerensyas, i sus dias ermozos.
La soledad mata la persona, las noches largas,
Los rekuerdos syempre bivos, las oras amargas.
Paga en estos tyempos a tu madre a tu padre,
Aserkate kon kerensya sin ke se aga tadre,
Ganaran enerjiya en sus edades avansadas
Les daras fuersa de bivir a sus vidas kansadas.
Seras rekompansado del Dio kon sus bendisyones,
Tus ijos aplikaran a ti las mezmas lisyones.
Hayim Vitali Sadacca
Montreal
