eSefarad Noticias del Mundo Sefaradi
Haim Vitali Sadacca, que escribió y publicó poesía en turco en sus años jóvenes, ahora compone sólo poesía en ladino, su amada lengua ancestral. Los poemas, elegidos por el propio autor, expresan las aspiraciones universales del alma humana para el amor, el afecto, la compasión, la generosidad, la paz y la armonía. Disfrutaremos en esta sección la habilidad de Haim como poeta y su dominio de la lengua ladina.
Ver todos los artículos de esta sección >>
«Korason de Oro»
Un ombre prove sono la puerta de un aedado,
Teniya ambre keriya salvarse de su estado,
Este vyejo de buen korasón estuvo muy tokado,
Partajo su alegriya, su bevyenta, su bokado.
Lo arto, lo abrigo por salvarlo del friyo fuerte,
Kontente de verlo un poko aleshado de su suerte…
Pokos dias después el ombre kon las manos atadas,
La polisiya lo trusho, sus miradas amatadas.
Verguensozo delantre de akel ombre aedado
Ke lo aviya artado i vistimyentas dado.
Estava akuzado por kulpa de aver rovado
Platas de esta kaza ke el aviya vijitado.
Kuando la polisiya amostro las kozas rovadas,
S’enkanto de ver akeyas platas kaje olvidadas…
“Senyores, Todo esto yo se los di komo regalo,
No akuzesh este prove kon un akto tanto malo.
Su estado m’aviya echo pena, kije ayudarle,
El dinero d’estas kozas poedra una mano darle.”
Dezataron las manos, en sus ojos lagrimas se viya,
Estava komo akel muerto ke se arebiviya.
El vyejo kon mirada amarga i lastimoza,
Komo kerer dizirle “porke izites esta koza?”
La polisiya se espartyo kon miradas enkantadas,
Les aviya atorgado ke las kozas eran rovadas.
El uno yoro fin la manyana por su negro destino,
El otro enrikesyo su korasón kon mas estimo.
El djesto del filántropo en ningun korasón kaviya,
Este regalo de los syelos a el lo sosteniya…
Hayim Vitali Sadacca
Montreal
