Poema: ME REKODRO de Odmar Braga

So sefaradi de orijin anusi i embio este mi poema titolado ME REKODRO, para dizer apara el mundo ke muestro puevlo bive i ke Sefarad en mi alma kanta en la leshana tierra de Brasil, i ke mizmo despues de kinyentos de los anyos Yo me rekodro…
Un grande saludo.
Odmar Braga

ME REKODRO

A la presiosa Margalit Matitiahu, kerida poeta ermana de mi Sefarad.

¡Ah!… Sangre, Sangre
de mi sangre de Espanya
ke Sefarad en mi alma kanta,
Ke en mis versos palpitan
i a mi korasón estremerse.
 
Me rekodro,
Si mi ermana me rekodro
de las konsejas de los avuelos,
Son kinyentos de los anyos i me rekodro
de los refranes, de las kantikas,
De las kansiones la más antíka
i de el golor de los pasteles.
 
Me rekodro,
Si mi ermana me rekodro
del karinyo de muestros padres,
Son kinyentos de los anyos i me rekodro
de la guadra de muestra erensia,
De la tradision de los Hahamim
ke disheron de la fidelidá de haShem
i del luzero de la Torah.
 
Me rekodro,
Si mi ermana, me rekodro
de la notche de los tiempos,
Son kinyentos de los anyos i me rekodro
de la lágrima ke kemó,
De tinieblas sin la Luz
i de la sangre ke yoró.
  
Me rekodro,
Si mi ermana, me rekodro
del sufrimiento de los siglos,
Son kinyentos de los anyos i me rekodro
ke fuímos dezraygardos de Espanya,
Ke tenemos la fuerza de muestro espiritu,
Ke djudios solamente somos
i mos yamamos de mozotros.
 
¡Ah!… Sangre, Sangre
de mi sangre de Espanya
ke Sefarad en mi alma kanta,
Ke en mis versos palpitan
i a mi korason estremerse.
 

Odmar Braga