Poema: KUALO KERES de Renée Behar de Huino

KUALO KERES

¿Kualo keres tú de mí?
Avolto la kara
Para no verte

Penurias i hazinuras
es lo ke trushites
a mi vida

Agora me traes dulzurias?
Me traes konjas?
Nada kero de ti

Ya basta
Te di de lo muncho
i de lo bueno
¿kualo fue lo que respondites?

Tenías en las manos
una djoya valutosa
ma no le dites valor

Aparesió otra
Te fuites
¿agora keres avoltar?

Enamorado mío
Te arronjé de mi vida
Kon amargo savor

Kualo keres de mí?
Avolto la kara
para no verte
para no perdonarte.-

Renée Behar Rumi 10:30 – 27 de marzo 2014