eSefarad Noticias del Mundo Sefaradi
EMBELEKO
Kada uno en su chikez
Topó embeleko
Kon las dichas
De su grandmama
La mía mos tomaba en la pierna
Mos kantava
Regretando su chikez
Luego mos embelekaba
Aziendo rishikas
Mos dava a kashtiriar
La masa
Todos metiamos las manikas
Endjuntos
A la fin mos dejaba untar con susan(*)
Kuando amasava fila
Mos kitaba de la cuzina
Mois toma a las creaturas
Llévalas kon ti
Embelekalos como puedas
El granpapa dizia:
Pacencia ke me mande el Dio
Bushkaba embeleko
Ma nos topaba
A la fin
Mos ambezaba la shema.-
Renée Behar
14/03/11
(*) sésamo
Hermozo.
QUÉ LINDO POEMA !!!!!!
CUÁNTOS RECUERDOS !!!!!!
LA MASA FHILA, QUÉ TRABAJO QUE HACÍAN NUESTROS ANCESTROS !!!!!!
BESOS,
ROSMARY.-