Poema: EL NINYO I LA TORMENTA de Beatriz Mazliah

Del libro inédito «TRAPIKOS DEL ALMA» de Beatríz Mazliah

 

EL NINYO I LA TORMENTA

Durme, korason,
no tornes aynda
a despertar
ke la manyana
es preta.

Durme, mi bien,
ke la luvya
aharva las ventanas
i entinyida de furia
esta la mar,

Arekojete
en tus kovertores
i durme mi ninyo;
kondjá en las karas,
estreya sovre el kavezal.

Dompues,
kuando esklareska
djuntos le kantaremos
romanzas al sol.

 

Beatríz Mazliah

 ,