Poema: DIALOGO de Beatriz Mazliah

Del libro inédito «TRAPIKOS DEL ALMA» de Beatríz Mazliah

DIALOGO

Dime ¿ija de ken ers tu?
¿De kualo es ke me miras
kon terneza
desde el fondo de mis ojos?

Kale ke seas
la ija de mi madre,
Luisa; la de l’alma grande
porke tienes su mesmo
mapa de arugas
en el pecho

Kale ke seas
la inyeta de mi abuela,
Viktoria, la de la tristesa mansa,
porke kruza su solombra
por tu frente.

Kale ke seas yo,
la ajena,
ma kon la vida tresdovlada.

Beatríz Mazliah

 ,