eSefarad Noticias del Mundo Sefaradi
Keridos amigos i amigas.
En el Jewish News de esta semana «Jessica Abelsohn» presento un artikolo ke trata de «Ozzy Osbourne» konosido komo «Black Sabbath Frontman i Prince of Darkness» ke viene de murir apenas 3 semanas despues de su koncerto de «Adio». Se dize ke el mundo perdio a un Verdadero Mensch/Gentleman, amigo de Israel i gerrero kontra el Anti-Semitismo. Mizmo si el fue engrandesido en Ingletierra, su mujer «Sharon Osbourne «nasida Levy» avia metido el djudaizmo al korason de sus kaza i de la famiya. Su ultimo konserto siendo titulado «Back to the Beginning». El pasiente sufriya de «Parkinson’s Disease» desde 2020. Kon su muerte fue eksijido por la famiya de respektar sus privasidad en este tiempo triste de piedrida grande. El estava arodeado de su famiya i amigos kon amor. Sus amigos de la muzika de Heavy Metal estavan muy triste de oyir la muerte de Ozzy Osbourne ande endjuntos avian kreado el Album en 1978 titulado «Never Say Die». En un dokumental tratando de su vida «God Bless Ozzy» el disho ke eran Los Beatles kon sus kansion «She Loves You» ke fue inspirado a ser muzisiano. Es posible mas ke su padre estava detras de la desizion.
Osbourne desho la eskola kuando tenia 15 anyos i se akodra de lo ke le disho su padre.»Tengo el sentido ke tu yegaras a azer algo importante o ke eskaparas en prezion». Salio ke ya estuvo prezo i ke avia reushido tambien a azer algo importante. Su karriera de muzika empeso en 1967 al entrar en «Rare Breed» una banda formada por «Geezer Butler». Lo ke se paso fue ke djugaron en 2 kantikas i se separaron. Butler i Osbourne se kedaron amigos rekrutando a «Tony Iommi i Bill Ward» para formar la «Polka Tulk Blues» antes de nomarsen «Earth However». A la fin fueron konosidos komo «Black Sabbath». Se puede dizir ke tuvo grande influensia en la Muzika de Heavy Metal kon los vokales del album echo en 1970 i 1978. La linya klasika kreando 8 Albumes de Studio ke eran konsiderados por munchos los mas fundamentales, establesiendo el sono oskuro i pezgado por dekadas a venir. Su karriera no era sin kontroversia. En 1979 Osbourne se vido echado afuera de Black Sabbath por ser abusivo kuando todos los miembros luchavan kon las drogas. El mas ke los otros i la banda no puedia funsionar. De esto nasio su karriera komo «Solo». En 1980 kreo el «Blizzard Of Ozz» establesiendo muzisianos komo «Randy Rhoads el gitaristo» ke eskapo a ser el album el mas vendido.
Detras de todo esto se topava un padre i devuado a su famiya. Todos lo amavan mizmo su mujer djudia. En los «Jewish Chronicals» en el anyo pasado, Sharon realizo ke su marido amava el djudaizmo i ke no puedia entender porke los djudios eran detestados. Ansi izo su primer Show en Tel-Aviv en el Parke Ha Yarkon pasando un dia en Yerushalayim indo al Kotel i Yad Vashem. Despues de 8 anyos se tornaron atras performando en Rishon Le Tzion. Ozz era agora defensor de Israel i del Puevlo Djudio.
En 2025 sinyaron una letra a BBC por su bias kontra Israel. Osbourne vendio mas de 100 miliones de albumes kon Black Sabbath. Su boz se oyia mas ke las otras. En 2020 al ser dianyostikado kon Parkinson lo veyian kaminando kon la asistensia de su famiya kon un baston. En djulio 2025 Black Sabbath tuvo una reunion de 20 anyos ke iva ser su ultimo konserto. Disho a 42.000 fans «No se kualo dizir. Estuve enklavado por 6 anyos i no savesh komo me siento. Grasias del fondo de mi korason. «Sosh todos un puevlo espesial karismatiko en lo ke es djusto «Let’go crazy»
Tradusido por Simon Geron de Sydney.
Fuente: Ladinokomunita
