eSefarad Noticias del Mundo Sefaradi
El Klub Kultural de Bat Yam en el Seno de la Itahdut Yotse Turkiya Prezento un Djugo Teatral djuntos kon Kantes Populares.
Pasimos una nochada verdadmente alegre en una de las salas de Teatro en “Suzan Dalal” el 29.Marso.2014.
El grupo “Pasatiempo” del Klub Kultural de Bat Yam en el seno de la Hitahdut Yotse Turkiya realizo su aktividad tradisyonal en doz sesiones, la primera una fiesta muzikal i la segunda una kurta reprezentasyon teatral, eskrita i rejisada por Albert Anah.
La Prezidente de la Itahdut, Zali de Toledo avrio la nochada sinyalando la importansia de estas aktividades en el desvelopamiento de la kultura sefaradí i agradesyo todos los ke tomaron parte en la realizasyon de esta nochada.
Moshe Shaul, Vice-Prezidente de la Autoridad Nasyonala de Ladino expreso también su alegría de partisipar a esta tadrada ke mos da el sentimiento ke esta lengua esta biva i rengrasyo los organi zatores ansi ke la asistensia.
Albert Anah meldo una letra de la parte de Shlomo Behar, Prezidente del Klub Kultural, en la kuala el se ekskuzo de no poder estar kon mozotros siendo ke su padre mos desho la buena vida el mismo dia.
Enfin entro a la shena el koro en la direksion de Yo si Geron, buen konosido músiko ke no solo dirijo el koro kon maestria, ma también kanto komo solisto kon su ermoza boz kantes Turkos i Judeo Espanyoles. Ay de notar ke el solisto Shahar Palensia, de solo 14 anyos de edad, resivyo kon su boz dulse, grande sempatia de la asis tensia.
En la segunda sesión, Eti Cherasi, Albert Vakil i Do li Rosilio djugaron de ma nera kaji profesional la komedia kurta de Albert Anah: “Kon Ketuba sinko, sin Ketuba diez” en un Ladino limpio sin pretensio nes. Las rizas i los aplauzos eran prova de la reushidad. Felisitamos Albert Anah i todos sus kollegas esperando ke veremos kada an yo reprezentasyones ke kontribuaran a muestra kultura.
(Bulten ITY, p.16)
El bulten de la «UNİON OF JEWS FROM TURKEY IN İSRAEL» se edita en turko i en ladino. Se puede meldar otros artikolos en ladino de este Bulten en las pajinas 16 a 19 MELDAR AKi >>
