Muevos proyektos del Sentro Sefaradi de Estambol

El Sentro Sefaradi de Estambol tiene 4 proyektos importantes:>

1. BIERVO DEL DIA: Este proyekto ya esta en kamino desde 3 mezes. Este Lunes vamos a publikar el biervo numero 100! Estamos dando un biervo en Judeo-Espanyol kada dia kon sus traduksiones al turko, ingles i espanyol. Puedesh ver todo lo ke izimos en el adreso de internet:

Biervo Del Dia

2. VIDEOS DE KARIKATURAS: Tomados del livro «La Famiya Mozotros» , ke es el uniko livro de karikaturas en Judeo-Espanyol en el mundo. Son videos kon subtitolos en turko i en ingles. Izimos dos asta agora. Si keresh mirar los videos aki tenesh los adresos:

1. La Saviduriya de Janti

2. Ketana por Sehora

3. VIDEOS DE KANTIKAS: Estos videos los estamos aziendo komo una forma de karaoke. Tenesh las kantikas kon las palavras i sus traduksiones. Izimos 3 asta agora ke puedesh ver el los adresos sigientes:

1. Los Bilbilikos

2. Bre Sarika

3. Gül Pembe

4. LOS TREZOROS DE MUESTRA LINGUA:
Este proyekto es muevo djidid! Estamos demandando a avlantes del Judeo-Espanyol ke agan chikos videos kontando una kozika de sus chikez i lo estamos publikando kon subtitolos en turko i en inglez. Izimos uno ke puedesh ver en el adreso sigiente:

1. Alikobeni

2. Alikobeni inglez