eSefarad Noticias del Mundo Sefaradi
Keridos amigos i amigas.
En la Revista «AMI» topi el artíkolo publikado en 2024 tratando de La Famiya de Rothschild i de la konspirasión ke dura desde mas de 200 anyos.
Este artikolo fue presentado por «Yohonon Donn».
El nombre Rothschild fue asosiado kon rikeza i poder por kaji 300 anyos, i kon la konspirasión konektada a los antisemites ke eran konvensidos ke esta famiya era la mas rika en la istoria, utilizando sus monedas para dar forma a los eventos del mundo.
Mismo oy se echa la kulpa a los djudios por los hurakanes i la pandemia. En los ojos de munchos djudios, esta famiya era kondenada de aver abandonado la relijión de sus ansestros en Frankfurt en yegando a las rikezas. En realidad la famiya en kontra lo ke pensavan, era atada a su erensia asta las últimas dékadas. Eyos nunka se konvirtieron i ni trokaron sus nombres.
No se asimilaron en la manera ke otros djudios almanes bankeros lo azían. Ma esto no es el kavzo oy i ay munchos kazamientos mikstos, en las últimas djenerasion es. Primos i primas ke se kazan entre eyos.
El kazamiento arientro de la famiya asegura ke las rikezas se keden ayí, establesiendo ansi La Primera Kaza de «Multinational Investment» ande la fortuna esta leshos de kayer en manos de los Reyes Glotones i en una era protejida de la kayída en la ekonomía. Las inovasiones krearon también los granos de konspirasión relatados a sus fortuna.
Todo empesó kon «Mayer Amschel» [Moshe Mayer el Patriarka de la Famiya i Fundador de la Dinastía de Bankeros i Padre de Finansas].
Nacido en Frankfurt en el Geto djudio en 1744, «Amschel» era un nombre germanizado i su nombre de padre era «Anshel» al orijin eskrito en 2 palavras de Yidish, «Riot Shield» ke viene de «Red Shield», ke marka la kaza de famiya.
En poko tiempo los djudios de Frankfurt eran los mas rikos. Mayer Amschel tenia 843.485 Gulden i Liabilities de 734.981, deshando atras 108.504 Gulden ke era la Balansa del Kapital.
Se izo el Bankero del Impero Santo Romano, kon la responsabilidad sovre el elektor en Hesse. Azían aprestamientos a los Mersenarios de Fuersas Ekstranjeras en la Batalya de Trenton ganada por «George Washington» durante La Revolusión Amerikana echa por los Hesseanos ke eran engajados por Britannia.
Fue de esta manera ke Los Rothschilds se izieron los más rikos del mundo. Kuando Mayer negosiava kon los prínsipes, pasava sus noches en la «Gemara». Esto le ayudo a bivir en una kaza mas komoda ke era mejor de bivir en el Geto. Los 5 ijos de Rothschild fueron embiados a estableser Sukursales de Bankas en Londra, París, Frankfurt, Viena i Napoles. Se ve de sus letras que Mayer era el Administrador de todos. komo un padre ke ama a sus ijos. Kritikó a su ijo Nathan en Britania por ser desorganizado. Le disho: «Toma mi konsejo i se mas organizado i no te aravies kon mi. «En la altura de sus rikezas la famiya kreó grandes industrias komo «De Beers Mining Company» ke uza el nikel en Afrika i el rubi en Burma. Dieron moneda al «Lord Welling» en la Batalya kontra Napoleón en 1815. Trokando por siempre el Mapa de Evropa. Dieron fondos a Japón kontra la gerra kon Rusia ke izo kayer a los Romanos. Merkaron tierras de ajensias Otomanas en Siria ke izo a Israel un Estado efektivo anyos antes de su independensia.
Ma desde el empesijo fueron akuzados de una Konspirasión de kontrolar el mundo i la moneda. El livro «The Protocols of the Elders of Zion» eskrito en Rusia avla de un Meeting SubTerreno de djudios komplotando al mundo, klaramente bazado sovre Los Rothschilds.
En realidad la famiya no se aserkava de las «Mega Fortunas» ke se ven oy. Ma este nombre bive dainda en la mente de los antisemites.
En la Media Sosial ay unos ke pensan ke los dudios son duenyos de todos los bankos. «Myth and History really Mix». Algo ke se pasa de djenerasion en djenerasion.» Salió un Pamphlet nombrado «Satan» akuzando a los djudios de irse basho en el presio i material al kuento de la seguridad. Ma era falso, kreando una gerra en Paris kontra los Rothschlds, kritikando sus rikezas grandes. Fue fásil de darles la kara umana al Poder Djudio. No avía tanto ke se puedia azer durante los siglos. La famiya una vez se fue a ver el Emperador de Austria i demandó ke aga algo kontra las akuzasiones. Avía nada ke pudo azer. En los siglos ke vinieron después fueron akuzados de La Gerra Sivil en Amérika i de la Teoría de Darwin ke kitaba al Dio de la Sosiedad. Hitler mismo siendo el ijo de un Rabino. Oy son asosiados kon el COVID i kon el Kontrol del Klima. En los anyos despues del Olokosto vendieron munchos de sus palasios i kompanyías de minas ke tenían en los anyos 1960.
No eran personalidades de kara komo «Elon Mask o Bill Gates, o el Polítiko George Soros». Se kedaron afuera de la Media en mayoría. Ma tenían sus nombres en los Palasios, Ospitales i en las Koleksiones de arte. Eran famiyas ke emigraron de Evropa a Amerika yegando a alturas. Si mismo el puevlo no los konosían, savían el nombre de Rothschild.
La parte sorprendente es ke no ay teorías komparables de los ke no son djudios, siendo akuzados komo son los djudios. Kisas por ke los djudios son mejor kon la moneda i saven kómo ganarla i guadrarla. Dizen ke los Judios son glotones i baratos. Ke dominan al Mundo i kontrolan las Bankas. La mispersepsion es ke Una Famiya en La komunidad Djudia kreo el Banking i ke eran djudios relijiozos i ke arientro unas djenerasiones munchos se konvirtieron i tuvieron kazamientos mixtos i ke sus ninyos nunka eran djudios?
Fuente: Ladinokomunita
Hola, saludos,
Tengo una pregunta diferente del tema expuesto, acerca de si usted tiene algún conocimiento acerca del apellido «Laredo», sobre si origen o lo que pueda compartir con nosotros. Le agradezco de antemano.