eSefarad Noticias del Mundo Sefaradi
El livro “Kuentos de todos los tiempos” es un rekolio de kuentos populares ke se konsentran al derredor de la sosiedad.
Ay kuentos ke tienen un pasado riko i kuentos muevos ke tienen el futuro delantre de eyos. Una parte de estos kuentos akompanya la redaktora del livro, Matilda Koén-Sarano dezde el prinsipio de su kamino investigativo del ladino, i otra parte fue notada por eya propio en estos días, porké la autora kontinúa a investigar i a arrekojer manaderos i kuentos.
La spesialidad de este volum es ke trata de kuentos de vida verdadera, de kuentos personales i familiares. Tenemos de esto un maraviyozo eksemplo en el último kapítolo del livro “De la fasha a la murtaja”.
Al livro está adjuntado un CD en ladino, echo para dar a los meldadores una auténtika eksperiensia emosional, aziéndolos entrar en el mundo multikolor del kuento en ladino.
Fuente: Lengua i kultura LADINO
