eSefarad Noticias del Mundo Sefaradi
El dia 24 de enero de 2023 los invitamos a la presentasion del livro LA BRUSHA KORONA a las 17:30 en el centro Leon Recanati, Albert Einstein St 23, Petah Tikva, 4925028, Israel
La Brusha Korona es un kuento para ninyos entre 4 -8 anos. Este livro es el rezultado de mi lavoro en los primos días del Covid 19 kuando enupito el mundo se paró i no pude kontinuar a lavorar kon mis klasas de muzica para ninyos. Mi idea fue de mandarles kada semana una parte del kuento, ansi se izieron 8 kapitolos komo las 8 notas de la eskala muzikala.
El kuento viene a mostrar a los ninyos el sentimiento del poder, mizmo ke estavan enserrados en sus kazas.
Alon i Alona, los protagonistas, dechizan a salir a la shara en busca de la brusha, konosiendo ke a la Brusha Korona el sonido del xylofone le aze danyo asta matarla…
Vered Barnea i yo Hamutal Zimra presentaremos el livro kontando i kantando mueva muzika en ladino.
El livro esta eskiro en ebreo i en ladino i esto mos parese muy importante.
En los tiempos dalkavo meldi un artíkolo ke eksplika ke salvar una lingua es importante komo salvar la tierra. I eso es para muestro avenir!
Para poder imprimir el livro ya tenemos el apoyo de La Autoridad Nasionala del Ladino, tambien del Komite Sefaradi de Yerushalayim i las Kommunidades Orientalas. Mismo ansi tenemos menester de dinero para pagar a la imprimeria i vos enkorajamos a ayudarmos a alkanzar este buto kon vuestros donos.
A los ke mos manden su dono les vamos a mandar el livro.
Para azer donos eskrivir a hamutalzimra5@gmail.com
Mersi muncho!
Hamutal Zimra
