Las Notas de Matilda: ROMANTIZMO i CORONAVIRUS por Matilda Koen-Sarano

Ver todos los artikolos de esta seksion >>

ROMANTIZMO I CORONAVIRUS

Al tiempo del CORONAVIRUS un mansevo tomó el avión de l’Amérika i partio para l’Italia.

Kuando arivo al aeroporto los duanieros ke estavan aya batales, porke el aeroporto estava vazio, disheron: «Ken es este atavanado?»

Kuando el vino ande eyos le demandaron «Tu loko sos a venir fin aki?»

«No! Yo esto enamorado!» les disho el.

«A, mos trushites un poko de alegria!». «Suetos i ijos varones!» le disheron eyos.

Kontado por Matilda KoenSarano
2020

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…