eSefarad Noticias del Mundo Sefaradi
Ande estás, Yerushaláyim?
Ande estás, Yerushaláyim?
Estó en tu korasón.
Día i noche, Yerushaláyim,
Siento murmurear tu boz.
Ke me dizes, Yerushaláyim?
Me deshates kon dolor.
Te deshí, Yerushaláyim,
I tú saves la razón.
Sto kon ti, Yerushaláyim,
Por la vida, i si me fui.
Prométeme, Yerushaláyim,
De no ulvidarte tú de mí.
Porké yo, Yerushaláyim,
Nunka no me ulvidaré de ti.
Vo tornar, Yerushaláyim,
El día ke me vo murir.
Matilda Koén-Sarano, Pétah Tikvá, 25.12.2014
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
Ermosa poesia «Yerushalyim». Matilda; mi rekorda tehilim 137: «im eshkajej Yerushalayim tishkaj yemimi.Tidbaq leshoni lejiki im-lo ezkereji, im-lo a’ale et-Yerushalayim hal rosh simjati». 1000 anjos lejos pero mis pensamientos I mas grandes alegrias siempre seran Yerushalayim.
¡Que hermosa poesía! Ma no digas Matilda que te tornas el día que mueres, ¡que viene Masíaj primero y no vamos más a murir!