eSefarad Noticias del Mundo Sefaradi
El árvol
Yo me siento komo un árvol
A el ayre i al sol,
Komo un árvol ke no bive
Sin el soplo del amor.
Kuando el sielo sta sereno
S’avre a él mi korasón.
En las oras de tempesta
Rogo por mi salvasión.
Mis raízes se derraman
En pasado i en avenir.
Mis filizes stan bushkando
El kamino de salir.
Yo las flores de mis ramas
A la tierra vo echar.
De los frutos l’esperansa
Sól me puede konsolar.
Komo un árvol, sin la tierra,
Nunka yo podré bivir.
Si d’akí me deskarankan,
No me keda ke murir
Matilda Koén-Sarano, Yerushaláyim, 21.1.1994
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
Ningun elemento de la creacion tal vez, guarde tanta similitud con el ser humano como el árbol … valga el hermoso poema ofrecido aqui por nuestra Kerida Matilda Koen Sarano, para recordarnoslo …