eSefarad Noticias del Mundo Sefaradi
Kada martes, Matilda Koen Sarano mos konta sovre Personalidades de Israel.
Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino .
Enzo Chaim Sereni
De la biografía eskrita por Marcello Savaldi
en la broshura del Servisio Filatéliko de la Postas de Israel.
Enzo Haim Sereni, líder del lavoro, eskritor i kombatiente de la Haganá., Roma (1905) – Dachau (1944).
Enzo Sereni nasió en Roma, i después de su aderensia al moviento sionista, arivó a Israel en el 1927. El era aktivo en el movimiento kibutsista, i lavoró al estranjero para enkorajar kontribusiones para el movimiento sionista. El predikava la non- violensia enverso los vizinos árabos. Ma los eventos de la Sigunda Gerra Mondial lo enfluensaron profundamente, i él se dio volontario en la armada británika, ke sirvió en las unidades del servisio de la «Intelligence», i establesió kontaktos kon prizioneros de gerra italianos.
Enzo Sereni fue uno de los inisiadores del plan de parashutar adjentes en Evropa. El 15 de May 1944 él fue parashutado adientro las linyas almanas, ande fue aferrado. El fue metido a muerte en Dachau el 18 de Noviembre 1944.
Enzo Sereni era una persona kultivada i muy estudiada, era un grande linguista i un pensator profondo i orijinal. El era también un ombre de aksión, un korajozo i ozadiozo inisiador, kon un sharm personal ke le izo munchos amigos.
El livro «The Holy Spring» (La Sakra Primavera) kontiene una seleksión de sus deskoros, i su livro «The Sources of Italian Fascism» (Las Fuentes del Fashizmo Italiano), fue publikado después de su muerte.
El Kibuts Netzer Sereni fue yamado ansí en memoria de Enzo Sereni.
Matilda Koen-Sarano
