eSefarad Noticias del Mundo Sefaradi
Mira lo ke komes
Matilda Koén-Sarano
Los arnautes eran albanezos muzulmanos, ke salían de la Albanía a vender dulsuras. Komo no bevían vino o otros beverajes alkólikos, se izieron espesialists de dulsuras i salían al Balkán a vender dulsuras.
Un arnaut fue a vijtar su ermano ke se enrikesió.
En la kaza de su ermano vido kashkaval i le plazió muncho.
Al día salió al charshí i vido un kalup ke paresía kashkaval. Lo merkó.
En komiendo el kalup, le kayeron bavas i skupinas, porké merkó shavón.
Ama el arnaut disho: «Deneni sektiminew (Yo lo merkí, yo lo komo).
En la vida munchas vezes merkamos un kazik i mo lo komemos.
Kontado por YEUDA GABAY – 2012
Notado i redaktado por MATILDA KOEN-SARANO
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
