eSefarad Noticias del Mundo Sefaradi
«Yo no!!»
Un ladrón entró en una banka, se adresó al empiegado, le puntó konta el revolver i le disho, menasándolo: «Es una rapina!»
El empiegado se espantó muncho, avrió la kasha i le dio todo el dinero ke avía.
El ladrón enkashó todo en un sako i se echó el sako al ombro.
En saliendo, vido afuera un largo rango de djente espantada.
Le demandó al primer ombre del rango: «Tú vites koza?»
Le disho él: «Sí, yo vidi ke te rovates todo el dinero de la banka!»
El le puntó el revolver, tiró i lo mató. Le demandó al sigundo: «Tú vites koza?»
«No, no!» le disho él, «Yo no vidi nada, ma puede ser ke mi mujer vido…»
Kontado por MALKA KALDERON – 2014
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
