eSefarad Noticias del Mundo Sefaradi
Kada martes, Matilda Koen Sarano mos konta KUENTOS POPULARES..
Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino .
De los EXEMPLOS DE LOS RABINOS, arrekojidos de manuskriptos ebreos i livros ebreos raros,
publikados por MOSHE GASTER
Traduizidos al ladino por Matilda Koén-Sarano, Yerushaláim, 2011 de la traduksión al espanyol de Amparo Alba Cecilia, «Las primeras colecciones de cuentos hebreos medievales (traducción y estudio)», Universidad Complutense, Madrid, 1986
EXEMPLO 187
Ambezaron muestro maestros: Demandaron los elevos a Rabí Eliézer lo sigiente: «Asta ke ekstremo se deven onorar los padres i las madres?»
Les respondió: «A mí me lo estásh demandando? Salí i verésh lo ke izo un djentil en Ashkelón. Se yamava Dima Bar Netina i era el shefe de los majistrados. Su madre le dava shamares por akí i por ayá, de vez en kuando, ma él no le dizía: «Basta, mama!»
Una vez ke a su madre se le fuyó un sapatiko, el estiró la mano para arrekojelo i se lo metió, para ke no tuviera eya de deranjarse a arrekojerlo.
Disho Rabí Yizkiyá: «(Este ombre) no se asentó nunka sovre la piedra, ande se asentava su padre. Kuando murió su padre, el la izo un objeto de venerasión.
Fuente foto rabino: UCL LIBRARY
