eSefarad Noticias del Mundo Sefaradi
Perro djudió
Ay un viejo ke va a topar el rabino i le dize: “Mi perro se murió. Kero dizir kadísh para él”.
El rav le dize: “No se puede dizir kadísh para un perro. Pero, si keres, va al kal de reformistas, i el rav de eyos va dizir el kadísh para tu perro”.
Entonses el viejo dize: “Bueno, munchas grasias, me vo…”. Kamina un pokitiko, después torna atrás i le demanda: “Kreyes ke yo pueda darle 75 mil dolares para la orasión?”
“Altolà,” le dize el rabí: “No savía ke el perro era djudió!”
Kontado por TILLY WEISS – 2001
Notado i redaktado por Matilda Koén-Sarano
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
Matilda,ke buen kuento! el perro djudio.
Me encantan los cuentos de Matilda. Me gustaría recibirlos en mi mail todas las semanas.
Desde ya muchas gracias.
SHAVUA TOV !!!!!!!!!!!!!
Mary.