Notas de Matilda – Kuento: NO TROKÓ

NO TROKÓ

Una mujer ke era negra kon su marido, se alevantó una demanyana i despertó al marido kon tiernura, kon el kafé en la mano.

Le disho: «Buenos días, mi alma, te di utí el vistido, te aprontí kumida para el lavoro i te izi kafé.»

Disho él : «Estó sonyando?»

«No,» disho eya, «mos ambezinos ayer en la lisión del rabino ke ken tiene mujer negra se va en derecho al gan-eden.»

«Ke kere dizir?» disho él.

«Es klaro,» disho eya,»no kero ke por kavza mía tú arives al Gan-Eden!»

Kontado por ELISHEVA VENTURA – 2017
Traduizido i redaktado por MATILDA KOEN-SARANO

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…