eSefarad Noticias del Mundo Sefaradi
LA VERDÁ
Un marido i una mujer no tan djóvenes kon dos ijas ermozas dechizaron ke en todo modo keren un ijo.
Eyos provan i provan i a la fin la mujer keda prenyada i les nase un ijo.
El marido, emosionado, va al ospital a ver el bebé i resive un shok. El chiko es tanto feo, ke no se tiene visto al mundo.
El marido va ande la mujer i le demanda: «Komo puede ser ke mos nasió una kriatura tan fea. Mira muestras dos ijas komo son ermozas. Es ke esta vez me izites traisión kon algún otro?»
«No,» responde la mujer, «esta vez, no»
Kontado por ELISHEVA VENTUTA – 2017
Traduizido i redaktado por MATILDA KOEN-SARANO
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
