eSefarad Noticias del Mundo Sefaradi
El rabi i el haham
Kuando se suve el rabi ashkenazí al otobús, no se asenta al lado de mujeres. Es ke anferra dos lugares.
Una vez afitó ke un rabi se ansentó en l`otobús. Vino una bahurá, se asentó al lado de él. El se fuyó. Se fue, se aparó.
Pasó dos minutos, en la otra tahaná suvió un haham sfaradí.
Le disho la bahurá al haham: «Sinyor Haham, deké el Rabi, kuando me asentí al lado d`él, se fuyó, i deké tú, sinyor Haham, t`asentates al lado de mí?»
Le disho el haham: «Sí, es verdá. Es porké él es rabi, ma yo sé haham!»
Kontado por MALKA MIZRAHI – 1989
Redaktado por MATILDA KOEN-SARANO
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
