Las Notas de Matilda – Kuento: Perro o azno?

Perro o azno?

Djohá, en kaminando por la kaleja, renkontró a una de sus viejas konosensias, ke kaminava kon su perro.

Djohá no tenía por él dinguna sempatía

Le dize Djohá: «Ande te estás yevando a este azno?»

Su konosido le responde: » Komo puede ser, Djohá? Este es mi perro. No es azno. De ande estás kitando ke es azno?.»

Djohá le responde: «Siente, no es a ti ke te estó avlando, si no ke a tu perro!»

Kontado por SELIM SALTI – 2007
Redaktado por Matilda Koén-Sarano

Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche»  de Kol Israel  del siklo ke eya mizma melda despues del Notisiario en Ladino