Las Notas de Matilda – Kuento: No se save nunka

No se save nunka

Un mansevo, yamado Yoram «a la buena parte», vistido komo un zíngano, está asentado en un kafé.

Ensupitó viene al lado de él un bandit, aferra su kafé, se lo beve en un sorvo i le dize: «Te plazió? Kualo dizes de esto?»

Le dize Yoram: «Keres sintir kualo es la vida? Oy me echaron del lavoro. La semana pasada mi madre se murió. Ayer deskuvrí a mi mujer, aziéndome traisión kon mi vizino. I agora ke vini a matarme, bevites tú todo el tósigo ke metí en el kafé.»

Kontado por MALKA KALDERON – 2017
Traduizido i redaktado por MATILDA KOEN-SARANO

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…