eSefarad Noticias del Mundo Sefaradi
Mira lo ke estás komiendo
Los Arnautes eran albanezos muzulmanos ke salieron de la Albanía a vender dulsurias. Komo no bevían vino o otras beviendas fuertes, se izieron spesialistas en dulsurias i salieron a los Balkanes a vender dulsurias.
Un arnaut fue a vijitar a su ermano ke se enrekesió. En la kaza del ermano vido el kezo kashkaval i le plazió muncho.
Al otro día salió al charshí i vido un pedaso de shavón ke paresía kashkaval i lo merkó. Mientres ke estava komiendo el kalup, le salieron de la boka bava i eskupiduras, porké merkó shavón.
Ma el arnaut disho: «Yo lo merkí, yo me lo vo komer!»
Kontado por YEHUDA GABAY – 2012
Traduizido i redaktado por Matilda Koén-Sarano
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
Amé la historia, buena lección filosófica. Ademas que la autora se llama como mi madre Matilde, solo el nombre me llevó a leerla, y me encantó.