Las Notas de Matilda – Kuento: Mijor no demandar

Mijor no demandar

Dos vizinas moran una enfrente de la otra.

A la demanayna las dos se enkontran i la una demanda a la otra:

«Kualo akontesió anoche? Estás hazina?»

Dize la vizina: «No, porké?»

«Porké vidi ke salió de ande ti un doktor.» dize la primera

«Ke kere dizir?» le responde la otra, «Kuando vidi ke salieron de ande ti tres soldados, es ke te demandí: Kualo akontesió? Eklató gerra?»

Kontado por MALKA KALDERON – 2017
Traduizido i redaktado por MATILDA KOEN-SARANO

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…