eSefarad Noticias del Mundo Sefaradi
El kavayo i el kodrero
El kavayo dechizó un día de estirarse en basho i de no alevantarse.
El agrikultor yamó a un veterinario ke le disho: «Aremos una kuantas enjeksiones al kavayo. Le daremos hapes, i si no va mijorear, lo vamos a matar.»
El kodrero ke oyó toda la konversasión kon el doktor, korrió a kontárselo al kavayo.
El kavayo, ke sintió esto, no tuvo remedio i se alevantó i empesó a galopar.
El agrikultor, loko de la alegría, le demandó al kavayo: «Komo vamos a fiestar esto?»
Le disho el kavayo:» Aze una fiesta! Degoya el kodrero!»
Kuala es moral de la konseja? No te meskles en las kozas de los otros.
Kontado por MATILDA KOEN-SARANO – 2016
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
