LA VIDA DEL RABI «MAX LEMBERG» trezladado por Simon Geron

En el Jewish News de esta semana «El Rabino Aryeh Solomon» mos presenta un artikolo sovre «Max Lamberg» ke dediko toda su vida a la edukasión Judia de las kriaturas. Lo izo asta la edad de 90 i mas. Este ombre viene de murir i fue una pierdita grande para Moriah College en Sydney.
Saludes a todos

Ensenyo en las klasas i en poko tiempo topo un empiego en «New South Head Talmud Torah» al lado de «Abigail Book i Mrs.Stanton i el Rav «Skolnik, Rav Blaivas i Michael Benstock». Era una invazion Britanika en Sydney. Despues de 2 anyos i medio el kontrato se termino kon «BJE». Max sentio ke era el tiempo de tornar atras a Londra. Subito entra ayi «Sam Fisher» i le demanda. «Porke te estas partiendo?» déshame ke te introduse a «Harold Nagley». Kisas podras ensenyar en Moriah College. Ansi en 1966 empesaron sus dékadas de Estudios Judios en las eskolas primeras i segundarias. Servio tambien komo el Direktor de la Sinagoga Sentral del Cheder dirijiendo el Servisio de Shabat kuando tenia fuersa para kaminar a su kaza. En poko tiempo se izo el «Rey de Barmitsvas» durmiendo arriva de la sinagoga kuando no puedia kaminar. Miles de ijos i ijas fueron ensenyados por el i los enkontro dékadas despues aziendo akodrarles la porsión de la Parasha ke les avia kaido. Komo eskola «Moriah College» era la prinsipal. Max ensenyava la jeografía del Sidur para ke sepan partisipar i mismo dirijir el servisio. Les ensenyava meldar la Tora i la Haftara. Me akodro de Max ke en los anyos 1970 kaminava kon el Megaphone en su mano indo de una klasa a la otra. Izo su Tefila asta los 90, en maneando su Toyota kolorada kada dia para formar parte del MINYAN a las 06.30 de la madrugada.. En su aniversario de 93 anyos mos fuimos a la Sinagoga Central para dedikar el Shabat en su onor. El disho «What the fuss is about?/Ke vos preokupa?» despues disho ke azia lo ke era empleado de azer «Desde su yegada a Sydney asta sus 90 i mas, Max se dediko a la Edukasión Judia de las kriaturas.

Este anyo kuando Moriah College se embarka en «Family Sefer Torah» van a meter una Parasha en su memoria. La komunidad se siente en devda a Max Lemberg.