LA TORA LA TORA – Kante de kriaturas – Ladino

Sarah Sufrin kanta a su inyeto «La Torá, la Torá» , el mismo kante ke le kantava su madre.

Eya mos dize:

La kantiga de kuna LA TORA es kantiga ke paso en mi famiya  a lo largo de jenerasiones. Mi  nona Alegre de Salonik  la kantava a mi mama,en mi chikes, mi mama me la  kantava a mi I kuando me nasieron los fijos, la kantava a mis fijos tambien.
Oy vino la sira miya, yo la kanto a mis inyetos.

Aki me puedesh ver kantando a mi inyeto la kantiga de kuna LA TORA

LA Torá, la Torá
el ijiko a la skola
kon el pan i el kezo
el livriko al pecho
¿onde te vas ijo del Dió?
a meldar la Ley del Dió
el Dió ke te guadre
a tí i a tu madre
i a tu sinyor
ke es buen djidió
i a la komadre
ke te aresivió!