La Seksion en ladino de kada semana del djurnal Shalom de Estambol – 30/1/2013

– La Sección en ladino de cada semana del periódico Shalom de Estambul siempre con artículos interesantes… –  Kada semana el djurnal Shalom de Estambol kita una pajina en djudeo-espanyol. Esta semana podesh meldar los sigientes artikolos, tokando el titolo de kada uno:

• Alhad 27 Enero data universalmente rekonosida ‘Dia del Holokosto’: Alhad pasado el 27 del mez de Enero, dia mundyalmente rekonosido komo “dia del Holokosto”, dia ande se komemora, en la emosyon i la amargura, el rekuerdo dolorozo de la Shoa, krimen horrivle ke kedara syempre komo una mancha indelebile sovre la konsyensya i la Dinyidad humana…

• Rezultado inesperado de la votasyon lejislativa en Israel:  Segun lo ke mos ambeza la prensa ?sraelyana komo tambyen oksidental, el rezultado final de los partidos ke obtuvyeron lo mas de bozes en la eleksyon lejislativa Israelyana de martes el 22 del mez koryente es el sigyente…

• La ventana de vuestra ermana TU-B?SHVAT ALEGRE:  Noche Shabat el 25.01.2013; el muevo presidente de la fondasyon Neve Shalom, DARYO KATALAN; envito al Grande Rabino kon la rubisa, a los  dirijentes de Neve Shalom kon los dirijentes dela Matan Baseter-Bar?nyurt, a los hazanes i a todos los yahides de esta sinagoga kon sus famiyas…
• El Optimizmo: Estavamos diskutiendo kon una amiga de los malores ke ay en el mundo. Eya estava analizando todos los evenementos ke se pasan de un angolo muy sombre i pessimisto. Yo no estava kompletamente de akordo. Me disho “tu sos optimista, no te deranja los males ke se pasan en el mundo, te das repozo a la alma”. Resivi un shok i no le respondi.