La Seksion en ladino de kada semana del djurnal Shalom de Estambol – 28/08/2019

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• Septiembre, La Sezon De Las Novedades: Septiembre es el mesajero de una sezon mueva, de una perioda mueva, de un anyo muevo i de las fyestas: Rosh-Ashana, Kipur i Sukot para los djudyos. Para todos tyene una sinyifikasyon diferente. La perioda mueva de la edukasyon en las eskolas, las famiyas kon grande ajitasyon porke los ijos van a empesar a la eskola… Dingunos no dezeyan los tyempos yelados ni la vinida a poko a poko del invyerno, ma despues de las kalores lokas, tomar un poko de aver fresko es posivle kon el otonyo i ay munchas personas ke keren byen esta sezon… ver mas >

• El Merkado De Ashkelon Merka Barato-Vende Karo: El nombre de Ashkelon viene de Shekel. Shekel es el nombre de la moneda de Israel. La palavra shekel tiene mizma rais kon Lishkol, ke kere dizir Pezar. Antes, el pagamiento de la merkansiya se aziya kon las kozas ke tenian el mizmo pezo. Por esta razon, algunos nombres de moneda son tambien nombres de pezo. Drahma-Dirhem, Pound sinyifika i moneda, i pezo, (kaji medio kilo) Libra-Lira, Peso-Peseta viene de Pezar. Asi Ashkelon era un sentro de merkar i vender, ande avia un komersyo importante… ver mas >

• Bodrum: Munchas amigas me yaman demode porke los enveranos no me vo a Bodrum ni a Çeşme. Mi ijo ya kanso de yamarme. “Ven mama, desha esta ada ke esta yena de arabos; ven mos vamos a ir a kaminar; te va yevar a una beach muy ermoza.” Ayde dishe me azere moderna, me ire a Bodrum a la kaza de mi ijo el grande, lo veyo a mi inyetiziko ke ya me eskarinyi. Tomi el bilyeto de avion, apareji la validja, abashi a la eskala para tomar el motor para Kartal. Una djentorya, neysa ya me suvi al motor… ver mas >

• Emine Bulut: Una mujer manseva de 38 anyos ke se yamava Emine Bulut fue kuchiyada i matada, por su ex-marido, delantre de los ojos de sus ijika de 10 anyos. Este krimen de mujeres dalkavo, revolto al puevlo, a la presa i a los politikos. Lo mas triste, ke mos endjido el korason fue ke la poveretika, antes de murir ampeso a dizir “No me kero murir” i su ijika yorando estava rogando a su madre “Te rogo mama, te rogo, no te mueras.” Ken puede detener sus lagrimas delantre de un tablo semejante?… ver mas >

• Un evenimyento, una dicha/un proverbo: Kuando se enrikese el djudyo (un ombre) la mujer se le aze fea, i la kaza estrecha. Bir Yahudi (erkek) zenginleştiğinde karısı çirkin, evi ise dar gelir. Teniyamos un amigo ke mos ivamos endjuntos a todo modo de restoranes. I era reelmente un ombre muy modesto. No se keshava de lo ke komiyamos mizmo si syertos amigos no estavan kontente del restoran frekuentado. Estava en los echos de kompyuteres, i estava azyendo echos maraviyozos… ver mas >

• Madam Aelion: Kerida Fani, me gustaria ke mos kontes de tu madre, la presioza Madam Aelion, ke konosi por la primera vez durante una de muestras aktividades kulturales en la kaza de enverano de Klara Perahya, de bendicha memorya, en los anyos 1975. Se organizava las “The Bridge beneficte” en las kazas, para ayudar las famiyas menesterozas de muestra komunita judia. Las dammas veniyan nombrozas, la entrada serviya para muestro buto… ver mas >

• La Luna: La luna syempre djugo un rolo santral en el djudaismo desde la konsepsyon del tyempo. El kalendaryo djudio en realidad se yama “lunaryo” i tyene una baza lunar mas ke solar. Los mezes pueden ser 12 o 13 i las datas de los muedes se kalkulan sovre esta baza… ver mas >