La Seksion en ladino de kada semana del djurnal Shalom de Estambol – 23/08/2017

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• El ojo malo: En el Oriente, los judios se kreian al ‘ojo malo’, i tuvyeron espanto de su efekto malo. Mezmo oy, oyemos la dicha ‘guadrados de ojo malo’. Las personas se kreian ke el ojo malo es kavzado por el selo. Las mujeres de un tiempo pensavan ke la primera persona ke les puede azer danyo kon su selo, era la vizina. Komo al tiempo se fekuentavan muncho kon las vizinas, eyas ya saviyan todo lo ke se pasava en las kazas. Si los de kaza teniyan entision de azer un viyaje o de merkar una koza mueva para la kaza, los de kaza miravan a eskonderlo de la vizina. ‘Lo ke no ve la vizina es milizina’ diziyan los de un tiempo… ver mas >

• El viaje de Rabbi Yeshua: “El lektor va meldar un kuento ke tresladi del livro” Contes et Legendes d’Israel. Rabbi Yeshua Ben Levi, teniya un grande dezeo: ver el Profeta Eliau. Para alkansar a la grasya de Los Sielos, arrogo diya i noche, izo taanit i, su dezeo se realizo. El Profeta Eliau se mostro a el i le prunto: “Kualo demandas de mi?” Rabbi Yeshua respondyo ke keriya akompanyarlo en sus viajes, ver lo ke aziya i tomar lisyones de sezudeza… ver mas >

• Kualo es el ‘Vente i unyen Siglo’?: Si, kualo es en realidad el Vente i unyen siglo? Una epoka de muevas invensyones syentifikas i de progreso sosyo kultural? O byen de salvajeria? Kuando es ke la persona va finalmente entender lo ke realmente es “bivir”? Kuando es ke eya va akseptar lo ke es “ser una de las kriansas pensantes ke se topan sovre tyerra” i ansi va achetar i komprender lo ke es la sagralidad de los derechos de los otros i los doveres ke mos inkumben?… ver mas >