La Seksion en ladino de kada semana del djurnal Shalom de Estambol – 21/02/2018

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• Un buen Purim ke lo fyestemos kon alegriya: Keridas i Keridos, Ya se izo muncho tyempo ke no vos eskrivo de komidikas ke mos plaze. Por egzemplo “Kucharikas de Berendjena” ke me ambezi de mi kerida esfuegra Suzi, ke biva munchos anyos kon sanedad i repozo. De eya me ambezi gizar i ornar munchas komidas. Agora vos dare la resefta de esta savroza komida i ke vozotros lo gizesh i lo ofresesh a vuestros keridos…ver mas >

• El Regalo Mirakulozo de la Fiesta de Purim mos va Alegrar en el mez de Marso: El saver ensenyar i transmeter las valores kon amor i kerensia es una fakultad. Kon las dulsuryas ke vamos a ofreser, vamos ensenyar tambien a la mueva jenerasion de konservar muestra identidad. Konservar la kontinuidad i la pertenensia de las tradisiones relijiozas. Me akodri esta semana ke en la Perasha Mishpatim egziste 53 mitsvas. La 25 mos avla de “Tsedaka”. Sera una okazion de ofreser a los menesterozos o sovre todo a afalagar a los muestros kon kara riente para dar gozo a muestro puevlo… ver mas >

• De una pyedra no se fragua un molino: Dia de Alhad, mi padre i sus amigos teniyan de realizar “El Dia del Judeo-Espanyol/Ladino”. Ay sinko anyos ke lavoran kon Karen i Emel para alkansar a azer todo. I kada anyo a la fin del dia vyene a kaza batido i firido porke no es posivle de realizar esto kon dos o tres personas. Kale un ekipo ke deve de partajar todo lo ke se deve azer. El anyo pasado mi padre me konto ke dospues del Dia del Ladino, los mas mansevos kijeron diskutir lo ke se paso. I esto fue muy provechozo (yararlı). … ver mas >