La Seksion en ladino de kada semana del djurnal Shalom de Estambol – 30/01/2019

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• El Teatro De Göztepe Kültür Derneğila: Le semana ultima tuve el plazer de irme kon mis amigos a la eskola “Ulus Musevi Lisesi” para asistir al teatro de “Göztepe Kültür Derneği”. Göztepe es una asosyasyon ke arekoje a los mansevos i mansevas djudyos; i aze ovras i aktivitades kulturales komo teatros, paseos, partis para adjuntar los djovenes en entegrandolos a estas aktivitades… ver mas >

• Un evenimyento, una dicha/un proverbo: Limon no es ke se gole. Limon değil ki koklayasın. Ay unos kuantos anyos ke mi granmama ke tyene noventa anyos tyene de menester de una mujer ke deve de azer todo por eya. Gizar, dar a komer, lavar, alevantar, echar … I ay muncho tyempo ke estava kon una deya ke la keriya bien i aziya todo lo ke era de menester. Le dava las kuras menesterozas. Kuando vinia a vijitar el mediko kada dos semanas, era eya ke dava kuentos al mediko i ke dava todos los detalyos ke afito las dos semanas dalkavo. Es djusto ke mi tiya telefona kada diya i se va unas kuantas vezes a la semana… ver mas >

• Un Tu Bishvat alegre kon El Pintor ISAAC LEVITAN: Keridos lektores, pensi ke los pintores ke saven transferarmos en otros mundos i darmos el mesaje de “EL BIEN, LA BEYEZA, LA VERDAD” meresen un artikolo mas detalyado…Vos sueto un alegre Tu Bishvat kon los peysajes de muestro famozo pintor. En Disembre de 1985, estuvimos en Rusya. Tuve un plazer immenso de toparme en Moskova, Leningrad, oy St. Petersburg, sivdades enteresantes i elegantes… ver mas >

• El Kezo Gruyer de Kars-Boğatepe: İhsan Koçulu es el maestro del kezo i el fue pionaryo en munchos proyektos de adelantar la fabrikasyon del kezo i la agrikultura. El esta dainda estudyando komo se amelyora i se adelanta la fabrikasyon del kezo gruyer. El es un eroe de los tyempos modernos. Dediko su vida a la rekonstruksyon de su kazal i es un djenero de savyo. El dyo mano kon mano kon su puevlo para fondar la baza siyantifika sovre la fabrikasyon del kezo… ver mas >

• Komo se deve komemorar el Olokosto en el mundo entero:El 27 de Enero es el diya de la komemorasion del Olokosto. Este diya marka el aniversario de la liberasion de Auschwitz en el anyo 1945. Akel diya se aze munchos esfuerzos para rekordar los sesh millions ke murieron en el Olokosto. Kada anyo, se apareja reuniones en las Nasiones Unidas i en las kapitales del mundo entero… ver mas >

• La Prezervasyon De La Muzıka Sefaradi: Konoseremos La Istoria De Una Mujer: Rivka Amado nasyo en Holon, Israel, i paso la grande parte de su vida adulta en Yerushalayim antes de instalarse en Berkeley, California, en 2004. Eya remonta sus raizes a las prominentes famiyas sefaradis (Amado i Barbut), las dos partes de su famiya. Despues de la ekspulsyon de la Espanya, las dos famiyas finalmente yegaron a los Balkanes, ande se kedaron por jenerasyones… ver mas >

• Dia Internasyonal del Judeo-Espanyol/ Ladino De Estambol 2019 10 DE FEBRERO: El 10 de Febrero 2019, no desh palavra a dingunos porke tenesh un program maraviyozo organizado por el Sentro Sefaradi de Estambol, ke va tomar lugar en la eskola djudia. Sesh oras de aktividades, komidas maraviyozas sefaradis i el gute kon borekas vos asperan para gozarvos de este dia inolvidavle… ver mas >