La Seksion en ladino/djudeo-espanyol del djurnal Shalom de Estambol – 17/02/2021

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• EL TELEFONO MOBIL MOS AZE ENGODRAR: Şeli GAON. Las luzes blus briyantes eliminan el melatonin. La kavza prensipal de no pueder durmir en las restriksyones del Covid, es ke no estamos tomando la luz del sol entre el dia, estamos lavorando aryento de kaza i la noche estamos utilizando muncho los enstrumentos elektronikos… ver mas >

• Un personaje ke izo arebivir una lingua kaji muerta: Eliezer Ben-Yehuda, el padre del ebreo moderno: Metin DELEVİ La lingua ofisyal de Israel es el ebreo, ma asta la fin del siglo XIX, kaji dingunos no avlava el ebreo, no lo uzava en la vida de kada dia. Ma de otra parte, el ebreo, o komo se uza yamarlo, el Lashon Hakodesh, la lingua santa, se uzava solo para las orasyones i para estudyar la relijyon… ver mas >

• HAYA HARAREET: Eliz GATENYO. Haya Harareet (20 de septiembre de 1931 – 3 de febrero de 2021) era una aktrisa israeliana. Todos mos akodramos del famozo filmo, Ben Hur, ke fue travado en 1959. En akel filmo Haya estava en el rolo de Ester, la amada de Charlton Heston. Haya nasyo en Haifa, komo Haya Neuberg, la sigunda de tres ijos. Akel tiempo Haifa era Palestina Mandataria de los Inglezes o… ver mas >

• El Dia Internasional del Ladino/Judeo-Espanyol, Estambol: Karen GERSON ŞARHON. Este anyo vamos a selebrar el DIDL de Estambol el 21 Febrero 2021 a las 16:00 (de Estambol) [07:00 Dallas; 08:00 New York; 10:00 Buenos Aires; 14:00 Paris; 15:00 Israel], malorozamente en el ZOOM. Vos aparejimos un program maraviyozo para todos vozotros, muestra audiensia loyal de kada anyo… ver mas >

• SAVER ES BUENO: Isak Eskinazi. Kada anyo el diya 14 de Febrero, se selebra en Turkiya komo el diya de los amantes. En otros payizes komo el diya de un Santo kristyano ke se yamo Valentino. Este diya, las rozas se venden al doble del presyo normal, los amantes se regalan regalos diversos para amostrar ke no se olvidaron unos de los otros. Esta tradisyon empeso en la epoka de la reyna Victorya…  ver mas >

• ANUNSYO: Forti BAROKAS. Para diya de alhad el 21 de febrero a la ora 16-19 tenemos el Diya Internasyonal del Ladino en el ZOOM. De uzo kada anyo el diya lo eskapamos kon un teatro i kon kantes. A un safek el djugo de este anyo ya estava pronto, kon una esperansa ke ivamos a salir a la shena i lo ivamos a djuguar ma la korona no mos dyo permisyon, el teksto kedo en el kashon. En azyendo el program del diya, mozos los “Amigos Para Syempre”… ver mas >

• SOVREBIVIR EN UNA GROTA: Dora NİYEGO. En los diyas los mas oskuros del venten siglo, kuando el Olokosto empeso en la Evropa, el koraje de una mujer salvo la vida de unas kuantas famiyas judiyas de un chiko puevlo ukranyano. Esther Stermer biviya en este puevlo kon sus sesh ijos finke las fuersas nazis vinyeron fin aya… ver mas >

• Del enfasyo salio un vendedor de parfumeria: Alberto Modiano. Kuando estava estudiando en la eskola segundaria, kada enverano, kon mi famiya, mos ivamos a Büyükada, ke los gregos yamavan Prinkipo. Teniamos una kaza ke mos aviya kedado de mi granpapa. Yo en akeya edad no teniya munchos amigos i me enfasyava muncho… ver mas >