La Seksion en ladino/djudeo-espanyol del djurnal Shalom de Estambol – 9/12/2020

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• Una memorya emosyonante de Hanuka: Dora NİYEGO. Vos va azer el rezumen de una memorya emosionante de Hanuka de una eskritora, Sara Esther Crispe. “Nunka no puedo olvidarme lo ke me afito en el segundo anyo en la universidad. Akel anyo, una semana antes de Hanuka, mi padre i mi madre me embiyaron un regalo kon una organizasyon judiya… ver mas >

• El Han Barnathan en Galata: Silvyo OVADYA. La semana pasada eskrivi un artikolo sovre el Diya del Ladino. Dospues Karen me disho ke teniamos una seduta kon los Israelis, Amerikanos, Arjentinianos … para organisar un diya Mundia (reelmente internasyonal). Ma a la fin desidimos ke el diya internasyonal se va realizar el 17 de marso (dia kuando se fundyo la Autoridad Nasyonala del Ladino…  ver mas >

• Vayeshev: Rav Yeuda ADONİ. Entre todos los ijos de Yaakov, el mas savyo i entelijente de todos era Yosef, el primer ijo de Rahel i su padre, seya por su entelijansa, seya porke era Regalado de su madre. Lo amava i lo akarensyava del fondo de su korason mas ke a todos sus ermanos, i en sinyal de su amistad le izo una kamiza de una ropa muy fina i muy ermoza… ver mas >

• Ombre en kaza, dolor de keshada: Yakir MİZRAHİ. Kuando empesi a lavorar en mi sigundo echo, de la manyana, mi padre me mando de la kaza en la puerta, bendiziendome. El estava muy alegre i orgulyozo. I yo me aviya metido mi mijor vestido ama sin kravata kon kalsados de lastik. Me akodro ke le dishe “ya’stas vyendo, me topi un echo ande no me azen meter kravatas… ver mas >

• KABALA SHABAT D´AL ZEMAN: Eliz GATENYO. Antes, no aviya tanta teknolojiya. Todo era kon kanserya i kon penar i lazdrar. No aviya reshos aviya gazyera o ogares. Los diyas de viernes eran diyas difisiles. No aviya banyos en las kazas, se kayentava agua en los kuvos i se lavavan en las paylas al lado de las sobas… ver mas >

• Kerida Yenta: La Kazamentera (Shadchan): Metin DELEVİ. En estos dias ke estamos pasando en kaza debido a la maldicha hazinura, komo estamos pasando las noches? O partisipando en una de las reunyones zoom, (en pasando kero dizir ke es difisil de eskojer el mas konvenivle entre los montones ke se estan organizando en el mundo entero), o meldando o mirando un filmo en la TV, en la komputadora o Netflix… ver mas >