La Seksion en ladino/djudeo-espanyol de kada semana del djurnal Shalom de Estambol – 16/09/2020

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• Shana Tova i Anyada Buena: Silvyo OVADYA. La semana pasada eskrivi un artikolo reelmente muy enteresante. Ma el sujeto el mas emportante era la karta postal de la Deklarasyon de la Konstitusyon del 1908. Estava eskrito en 5 linguas. Ma komo no tenian bastante lugar en la gazeta, metieron la fotografia muy chika… ver mas >

• ROSH ASHANA: Rav Yeuda ADONİ. Estamos en los diyas ke selebramos, los diyas temerozos de Yamim Norayim. Rosh Ashana i Yom Kipur. Rosh Ashana, aniversaryo de la kreasyon de el mundo i tambyen de la kreasyon de el ombre. Ayom arat olam. Oy se kriyo el mundo. El Kriyador kriyo a el ombre, porke biva kon una kondukta buena porke el Kriyador sostenga a el mundo. Dunke el diya de Rosh Ashana, es un diya de djuzgo para el ombre… ver mas >

• Una Otra Lingua Djudia: Nesi ALTARAS. Muestro komunita en Estambol es mas diverso ke mozotros entendimos. En muestras familyas, kales, klasas, i grupos tenemos djudios de orijenes diferentes. Algunos de Antep o Antakya avlan Arabo. Los Ashkenazim, ke son una prezensia en Turkia por siglos, avlan Yidish i tenemos tambien los Aramites o komo los yaman, «Nash Didan»… ver mas >

• Mi Konsolasion Inolvidavle: Esti SAUL. La noche, kuando suviya las eskaleras para echarme, mi sola konsolasion era ke mi madre iva vinir para abrasarme. Devia entrar a mi kama i estar pronto. Malorozamente el «buenas noches» era un tiempo muy kurto. Eya abashava las eskaleras tan presto… La asperava kon inkietud i silensio en suivando sus pasos, del momento ke suviya la eskalera del kortijo ke teniya dos puertas… ver mas >

• Tenemos ke remersiyar las personas de siensya: Ester Pando. Keridos Lektores, Seya del tyempo pasado u seya de oy, sirvyeron al mundo muncho las personas de siensya seya la umanidad o seya la natura. Relativamente kero nombrar a una mujer de siensya de eyos, la famosa fizika i kimista, personaje de siensya i savida Marie Curie, ke deskruvyo el konsepto de radyoaktividad i envento la siensya de radyolojiya en el anyo 1898… ver mas >

• D E V E: Eliz GATENYO. Teniyamos un vizino ke lavorava en una botika en Tahtakale. Los patrones suyos eran 3 ermanos judios. Eran haveres. La botika era estrecha i larga. Los ermanos se asentavan kon sira. Al lado la puerta se asentava el un ermano ke konosiya a todos los kliyentes. Unos kuantos pasos mas despues de el se asentava el sigundo ermano… ver mas >

• UN ELEMENTO DEL FOLKLOR SEFARADI: LAS ENDIVINANSAS: Dora NİYEGO. Munchos anyos antes, los investigadores de la kultura sefaradi kaminaron de sivdad en sivdad para arekojer los elementos de la literatura oral de los sefaradis. Despues de un lavoro largo, anrejistraron lo ke arekojeron i los publikaron en diversos livros… ver mas >