La Seksion en ladino/djudeo-espanyol de kada semana del djurnal Shalom de Estambol – 09/09/2020

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• B E S E D E R: En los anyos ’60 uvo una furya de aliya komo afita en kada 10 anyos. En akeya furya se fueron de aki i 2 ermanos. Se enstalaron en Batyam ande biviyan sus vizinos i paryentes de la Turkiya. Estavan muy kontentes. Kon lo poko ke aviyan avansado se merkaron una kazika a kada uno. Alora kaliya perkurar por echo. I ke echo van a azer? No se pudieron empyegar porke no saviyan la lingua, no saviyan ni meldar ni eskrivir en ebreo… ver mas >

• Pensamyentos desde el Atlantiko: Kenan CRUZ. Keridos meldadores, en mis mezes aki en Portugal pasi munchos diyas i tadres al lado del oseano Atlantiko. Dezde mi chikez siempre tuve una sensasyon espesyal kuando me kedo en las plajes o en los pontes ke tienen vista de la kosta Atlantika. Esta sensasyon tiene dos dimensyones bastantes distinktas. La primera dimensyon es la ermozura natural… ver mas >

• El 30 de agosto: Karel VALANSİ. La semana pasada selebrimos el 30 de agosto, el Zafer bayramı. Este anyo, komo kada anyo estavamos en Büyükada. Normalmente, kada anyo mos vamos al debarkader para selebrar el bayram kon bandyeras, marshes todos endjuntos. Este anyo fue diferente por modo del korona… ver mas >

• Rosh – Ashana: Şeli GAON. Kada anyada mueva es la puerta de un prinsipyo; de un empesijo. Para las personas el anyo muevo es la sinyifikasyon de las muevas emosyones, muevos dezeos, muevos akonsintimyentos. Dingunos de mozotros no semos perfektos. Todos penamos kontinualmente para ser una persona mas buena. Unos de mozotros keren aflakarsen, otros no keren mas fumar, u el buto de otros es avansar moneda… ver mas >

• Georges Simenon en Büyükada «Prinkipo», 1933: Esti SAUL. Simenon, el Reporter-Fotografo, vijito munchos kontinentes i paizes. Arivo en 1933 para deskuvrir la sivdad kosmopolita ke izo sonyar eskrivanos, romansieros del oksidente. El fotografo se maraviyo de Estambol, el kondjunto de la mar de Marmara, el Kuerno de Oro… ver mas >

• Una karta ande se topa unos kuantos biervos en Djudeo-Espanyol: Silvyo OVADYA. Unas kuantas vezes vos dishe ke tengo una koleksyon de kartas postales ke esto arekojyendo sovre la Djudaika Otomana i Turka. Si keresh mas eksplikasyones esto koleksyonando todo modo de kartas postales sovre los Djudios Otomanos i Turkos. La sola eksepsyon es ke esto koleksyonando i las kartas sovre Salonika en esta koleksyon… ver mas >

• Nitsavim, Vayeleh: Rav Yeuda ADONİ. En la perasha Nitsavim, meldamos el Kastigeryo ke kastigo Moshe Robenu a el puevlo djuyo en sus ultimos diyas. A propo este sujeto de kastigar a las personas ke no estan en kaminos derechos, dize Shelomo Ameleh en su livro Mishle, mijor es un kastigo deskuvyerto mas ke un amor enkuvyerto… ver mas >