La Seksion en ladino/djudeo-espanyol del djurnal Shalom de Estambol – 26/05/2021

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• Sovre unos kuantos elementos de la Djudaika Otomana-Turka: Ya vos konti kreo unas kuantas vezes ke esto koleksyonando kartas postales sovre los Djudios Otomanos i Turkos. Kreo ke tengo la koleksiyon la mas ancha. I kada vez ke merko una karta esto dizyendo ke no va topar mas una karta sovre la Djudaika Otomana-Turka. Kreo ke tengo 3 kartas ke konosko i no pude toparlas i merkarlas durante estos vente o ventisinko anyos dalkavos. Ma la semana pasada en una vendida aviya una karta sovre Emin Pasha. Su nombre de orijin era Doktor Isaac Eduard Schnitzer. Era orijinario de una famiya Djudia de Prusia i nasyo en el kazal de Oppeln… ver mas >

• Ke es la Majiya del Arte?: Ke sinyifika el arte, por un pintor, por un artisto, un senaristo, un eskrivano, ets.? Sera la ekspresion de los sentimientos, esperansas de todo modo i forma diferente? Dar un mesaje kon la ovra realizada, kreando un mundo ermozo, bueno i verdadero? Entre una seansa de «nature morte” o pintando un peyzaje «d’après nature», instalados en la freskor de un pino o la solombra de un kastanyero, bushkan la definision del arte … ver mas >

• SHAVUOT: Shavuot en la lingua ebraika sinyifika semanas. Despues de la sigunda noche de Pesah, el sinkuenten dia es la fyesta de Shavuot. Shavuot se selebra el sesh del mez de Sivan. Esta data es la rekolta de los produktos muevos de esta sezon. I este modo el puevlo de Israel yevava el primer rekolto al Beth-Amikdash. En este dia santo se dyo los dyez komandamyentos en el monte de Sinay; i esto es una djura del puevlo ke van a konformarsen a estas reglas… ver mas >

• BEAALOTEHA: La djente ajena ke estavan kon los ijos de Israel (Erev Rav) dezearon munchas kozas sin menester. Kozas ke no se puediyan topar mas ke en las sivdades povladas i no en el dizyerto. El puevlo de Israel sin apartar la diferensya ke ay de eyos a esta djente, yoraron dizyendo: Ken nos dara a komer karne? I empesaron a rekordar de munchas kozas de muy poka emportansa ke teniyan en Ayifto debaldes… ver mas >

• El primer Muzeo Djudio en el mundo: Si mirash al kalendaryo enternasyonal, kada dia se selebra un sujeto, un kavzo lokalmente o enternasyonalamente. El 18 de Mayo de 2021 era el Dia Enternasyonal de los Muzeos. Kon esta okazyon vos kero kontar en kurto, la istorya del Muzeo Djudio de Vienna, ke kuando se fundyo era el primer muzeo djudio en el mundo. Fundido en 1895, la idea detras del Muzeo Djudio era de sostener i amejorear la konosensya i el entereso por la kultura i la istorya djudia. Fue apoyado i dirijado por la Sosyedad para la Koleksyon i Prezervasyon de los Monumentos Istorikos i Artistikos de la Djuderia… ver mas >

• La lingua es el espejo de la identidad: La identidad es una forma de ekspresiyon ke mos da karakteristikas unikas i mos da el sentido de ser parte de una komunidad. La identidad se ekspresa fasilmente a traves de la lingua. Esta lingua mos ayuda para la komunikasyon. Ma no solo para esto. La lingua mostra ken semos, ke pensamos, komo pensamos… ver mas >

• EL TEMPLO DE ZEUS: Sigun los istoryanos de la era antigua, la sivdad de Bergama fue la kapitala de un reynado ke egzistyo en los siglos 3 i 2 antes de Jesukristo. Su ultimo rey Attalos III la izo regalo al Imperio de Roma en el anyo 133 antes de Jesukristo. Esta sivdad era el sentro de la sivilizasyon Elenistika i teniya munchos edifisyos delikados. Una de las mas emportantes es el Altar de Sakrifisyos de Zeus, yamado tanbien Pergamon… ver mas >

• THE CLUB – NETFLIX: El mez de mayo ya esta para eskapar. Pasimos una invyernada byen larga i muy aburrida, las nuvelas no estavan del todo famozas, la ekonomiya no se kere dicho, peryimos munchos konosidos i lo mas negro fue el no saver kualo se va azer. Yo komo todos pasi el tyempo en los zoomes, en eskrivyendo artikolos al Şalom i a la revista EL AMANESER, i eskapi de eskrivir dos senaryos de teatro, uno enteramente en turko i uno para el Dia del Ladino, si el Dyo mos da vidas en 2022, los metemos en shena… ver mas >

• La Pared Memoryal en el Muzeo Yad Vashem en Yerushalayim: Anyos antes, kuando vijiti el Muzeo Yad Vashem en Yerushalayim, ya saviya kon kualo me iva enkontrar ma no me imajinava ke me iva empresyonar tanto. Este muzeo ke kontyene el mas grande depozito de enformasyones konsernando el Olokosto, es para los mansevos la mas grande fuente en la edukasyon de laShoah. Ay milyones de dokumentos i testimonyos sovre los sobrevivientes del Olokosto. Kada punto estash oyendo sus estoryas enrejistradas… ver mas >

• Es ke un armi marcha al ritmo de su estomagó?: Kreo ke la majoritá de los meldadores konosen una komida (i pue’ser mas ke una) ke se yama armi o armiko. Mi madre lo gizava kon karne de vaka, igadó de gayna, patata, karota, sevoya, shampinyones i sos de tomat. Kuando me engrandesí me dí kuento ke ay munchos chesithes de armi. Kaji kada famiya tiene su propio armi. Ay ke lo gizan kon karne de kodrero, ay ke lo gizan kon karne de gayna, ay ke lo gizan kon todo modo de organos internos, i ay también variedades vejeterianas: armiko de tomat: una komida de tomates… ver mas >