La Seksion en ladino de kada semana del djurnal Shalom de Estambol – 19/12/2018

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• El astronomo djudio detras del primer viyaje de Vasco da Gama: Unos dos mezes antes aviya sintido el program de muestro amigo Moshe Shaul sovre la “Kontribusyon de los djudios de Espanya a la navigasyon i al deskuvrimiento del Kontinente Amerikano” en Radio Jai – Radio Sefarad. En este artikulo se trato de Yehuda ben Moshe ha-Kohen, Isaac ben Sid i de Abraham Samuel Ben Zakuto. Los nombres de los dos primeros ya aviya sintido ma el treser Abraham Samuel Ben Zakuto, no saviya nada sovre el… ver mas >

• Este anyo en el DIDL 2019, vos vash a pishar de la riza!: Este anyo, el Dia Internasyonal del Judeo-Espanyol / Ladino, Estambol se va selebrar el 10 de Febrero, 2019, un Alhad, desde las 11.30 de la manyana asta las 6 de la tadre. Vos konsejo de apartar vuestros lugares desde agora porke este anyo vos estamos aparejando un program yeno de rizas a tanto ke vash a salir de eskola judia kon las karas en dolor de tanto riyir. Komo siempre vash a tener una komida bien sefaradi i bien savroza preparada por muestro amigo Meir (Robelyu)… ver mas >

• No te agas hazina, azete kantadera: Las investigasiones ke se izyeron en la Universidad de Frankfurt mostraron ke muestro sistema immun se esta enfortesiendo kuando estamos kantando! En un eksperimento echo kon kantantes de un koro, tomaron la sangre de los koristas antes i despues de sus provas de koro. El koro kanto el Requiem de Mozart akel dia. Kuando miraron kualo afito a la sangre de los koristas, vieron ke sus sistema immun izo la sintesis del protein immunoglobulin. Kantar es tambien un egzersisio maraviyozo… ver mas >

• Ke Semboliza El Anyo Muevo Sekular Por El Judyo: El Rav Moshe Feintein esta diziendo: “No ay nada de negro por el judyo, en divertirse i sosializarse la noche de Disembre 31. Espesialmente por los ke biven en la diaspora, es emportante de respektar muestros amigos, klientes non judyos. Ademas, la idea de mirar atras, i pensar sovre muestras aksiones del anyo pasado es una idea judiya”… ver mas >

• La Felisita: En la epoka ke estamos bivyendo en el mundo entero, no esta muy fasil de bivir orozos i sin problemes, seyga por los mansevos, seyga por los aedados. Estas avyendo la televizyon u la radyo; las novelas te estan enserrando las alas del korason. La situasyon del pais ande estamos bivyendo no esta briyando al karanfil… ver mas >

• Diyarbakır: Muy keridas i keridos lektores, Antes 15 dias izimos un viyaje muy maraviyozo al sud del pais. Viyajimos a Diyarbakır, Mardin, Midyat, Hasankeyf, Urfa i a Göbeklitepe. En primero vos kero kontar un poko de Diyarbakır. A las semanas ke vyene los otros lugares. La sivdad es situada en la parte norte de Mesopotamia, el el bodre del rio Tigris (Dicle)… ver mas >