La Seksion en ladino de kada semana del djurnal Shalom de Estambol – 07/08/2019

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• Yo no saviya este uzo de los Romanyotes…: Los djudios romanyotes tyenen munchos uzos diferentes de los sefaradim i syertos son unikos. Uno de estos uzos es el Alef. Un Alef es un tipo de sertifikado de nasimyento i amuleto ke se kreo para ke los bebes muevos nasidos seyan protejados de todos los males durante los 40 diyas posteriores a su berit mila. En el pasado, en las komunidades djudiyas en el mundo entero, parir i meter al mundo un bebe era asosyado a un peligro i risko, achakes de las altas proporsyones de mortalidad de la madre i del bebe… ver mas >

• El Arvole De Mansana: Esta semana estavamos envitados a una Bar Mitzva. Komo siempre aviya muncha alegriya i orgolyo. El mansevo estava orgolyozo por ke paso de la kriyatureriya a la maturidad, los paryentes estavan alegres de ver sus ijo engrandesido, los envitados estavan alegres de partisipar a esta fiesta relijyoza muy emportante. Todas las karas riyentes, todos orozos, eyos ke tengan bien i mozos tanbien… ver mas >

• Un evenimyento, una dicha/un proverbo: Kuando un mansevo demanda munchas paras de sus paryentes mi padre me konta kada vez el mizmo evenimyento. Kuando teniyan tredje, katorze anyos en la klasa teniyan un amigo ke sus paryentes eran doktores i le davan munchas paras i no savia komo gastarlas. I un diya serka de muestra eskola avia un magazen ande se vendia armas para matar renares, lonsos i otras bestias en la shara (orman) i eksplozivos (patlayıcı)… ver mas >