eSefarad Noticias del Mundo Sefaradi
La Sección en ladino de cada semana del periódico Shalom de Estambul siempre con artículos interesantes… – Kada semana el djurnal Shalom de Estambol kita una pajina en djudeo-espanyol. Esta semana podesh meldar los sigientes artikolos, tokando el titolo de kada uno:
El primer rabino en el parlamento de Arjantina: El rabino Sergio Bergman va ser el primer rabino ke va entrar al parlamento de Argentina en el mez Desembre. Bergman va ser el primer ombre de ley judyo ke va lavorar por una nasion, afuera de İsrael. El partido de Begman gano el 34.5 de los votos, en las eleksiones del parlamento. ‘Fuimos elijidos para protejar la ley i la konstitusion, i para mejorar el pais komo lo izimos mas antes en la sivdad Buenos Aires’ esta diziendo Bergman. . ver mas >>
- A la memoria de una amiga i un livro espesyal AUTORES i DEDİKASAS -2: Aida Malhassjan, mi kompanyera de klasa en el Kolejio S.Benoit, fue el primer nombre ke me sinyo su lavoro en 1975. El titolo “Yüce fakat Yalnız” de este livro en turko lo puedo tresladar komo “Eran Sublimos ma Solos”. Aida despues de azer altos estudyos de “Derecho”en la Universita de Estambol, se fue a bivir en la Alemanya, ande kazo kon un djudio i tuvo un ijo, Tuin. Durante anyos, izo seryozas bushkidades sovre la II Gerra Mundial, el Nazismo, la Gestapo, la Shoa i finalmente eskrivyo un livro, un lavoro de 2 volumes, en total 820 pajinas. Esto mo lo konto eya anyos despues.… ver mas >>
- i poko a poko evolua en varyos payizes el ermozo renasimyento del Djudeo-Espanyol: Partikolarmente estos ultimos dias, antes de avrir kualkyer diaryo o periodiko, sentimos kaji syempre (mesklada a muestra kuryozidad) una syerta anksyedad i mos akontese mizmo envezes de tener una chika ezitasyon a la sola idea de topar, debasho la sinyatura de algunos eskritores ajenos, novedades atristantes o byen analizis inkompletas i parsyales yenas de djuzgamyentos hativos konsernando kavzos ke se pasan en el mundo djudyo ver mas >>
- El mueven en el Liseo djudyo de Ulus: Komo kaji kada anyo, el entuzyasmo fue abosuto i unanimo konsernando la alta kualidad kultural del Limmud de oganyo. Limmud es la fyesta del esprito i de la kuryozidad syentifika komo tambyen artistika, el avre puertas sovre muevos orizentes i da a los partisipantes una mueva vizyon del mundo kon su potensyal intelektual i espiritual. Muestra kolega Şeli Gaon ke asistyo personalmente i se esforso de sigir lo mas posivle de konferensyas, esta aparejando un largo artikolo al sujeto de todo lo ke oyo, vido i sintyo, artikolo ke sera publikado en el SALOM de la semana a venir. Todas muestras felisitasyones i agradesimyentos a los ke fundaron i a los ke kada anyo aparejan en muestro payis un muevo programa de esta manifestasyon kultural, lakuala realsa el nivel intelektual de muestra komunidad. ver mas >>
