LA REINA ELIZABETH I LOS JUDIOS trezladado por Simon Geron

Kuando mos alevantimos oyimos las novedades de la muerte de la Reina Elizabeth 2 i esto mos trusho a un mundo muevo estranyo. Mos dio la impresion komo si uno de la famiya avia murido. Pero globalmente la perdida de una persona mas grande de la vida parese a una katastrofa grande. Mirando al MIDRASH en la salida de Yakov de Beer Sheva era dicho «Kuando un ser djusto parte, el lugar disminuye i la luz parte kon el muerto. El mundo se topo mas prove, rovado del lider majestuozo i onorable komo personalidad». La muerte de la Reina toko a miliones de djente a traves la planeta porke eya era una lidera egzemplaria i una «Mench/Kavaliera» eksepsional. Su muerte mos afekta tambien komo Judios.

1] Era una roka de Tradision en la Mar de Kambios. Su Marka era el Prolokol antes de todo Representava el Poder Mistiko de la Monarshia malgrado la natura simbolika de sus doveres. Mos ambezimos de eya la tristesa en temas de lien. Al ver asta ke punto la muchedumbre la akompanyo en tristesa a la reina en su ultimo viaje de Balmoral al Kastiyo de Windsor pasando por tierras vedres de Eskosia, mos trusho en vida una Dicha Talmudika diziendo «Kuando la muchedumbre engrandese, suve mas la onor verso la Persona Real. La reina era moderna i reseptiva a los trokamientos. Se intereso a la teknolojia aziendo konversasiones en video i supo ke la monarshia tenia ke adaptarse a un otro mundo. Ayudo tambien a dirijar el pais en los ultimos 60 anyos transformandolo de «Una Fey a Una Sosiedad Multi-Etnika». Kreo un ekilibrio en la Kontinuidad del Judaismo.

2] Ben Zoma avia dicho «KAVOD/Onor». Ken es el onorado? Su repuesta fue «El ke respekta a otros». La Reina gano respekto no por sus rikezas i poder, pero por su presensia i influensia. Alkansava a kada uno i kaminava entre eyos, avlando al mas ordinario i a las mujeres i kriaturas. Komo supo Moshe, se mostro mas umilda komo su yave a la grandeza.

3] Fue una defendiendo otras relijiones. No se sentia ovligada a ser perdonada por irse a la iglesia de manera iregular i tenia un konsejero espiritual i respektava a todas las relijiones. En su rolo sivik kudiava a sus sujetos de la Iglesia de ingletierra okupandose de otras komunidades tambien. Asistia a las Fiestas de los Kristianos, Judios, Musulmanes, Hindus, Sikhs, Jainines, Bahais i Zoroastrianos.

4] Vida entera al servicso. Ser el servitor de Hashem es el privilejio de los Judios. Kon su dezeo de ser mas grande de la vida desde la edad de 21 anyos, lo izo asta la fin de su vida. Lo mismo es deklarado por su ijo Charles III ke entra en poder.en un tiempo de individualismo. Ay ke romper las kadenas del egotismo.

5] Lidership signifika ser independente i ser kapache de tomar aksion. Se puede meldar textos, dar forma a la mente i a la alma i meldar los korasones de los segidores. Ansi a los Reyes i las Reinas de Israel los yamaran a tener sus rulos de la Tora. eskritos i guadrados a sus lados. Eran apuntados por el puevlo para ke guadren el kontakto i ke se okupen de la ostilidad del mundo. Se dize ke en el mez de ELUL el rey se va al terreno i a su puevlo. Esta Reina viajo en korteje komo en su vida indo al puevlo tokando sus korasones.

MOS VAS A MANKAR KERIDA REINA POR TU UMANIDAD, UMILDAD, DIGNIDAD, UMOR, FUERSA I GRANDEZA

Trezladado por Shimon Geron, Sydney