eSefarad Noticias del Mundo Sefaradi
Un omaje a Emisión Sefarad i al lavoro de Matilde Gini Barnatán…En la demanyana del día viernes sesh de Diciembre de esta pazada anyada 2013 arresivimos un ermozo omaje, en el viejo kartier djudió de laamada sivdad de Yerushalaim, en Israel. Mos topimos injunto a mi madre Matilda, ke ansí es yamada en muestra lingua, kon amigos musafires de munchas anyadas atrás, munchos otros mos mankavan, entre eyos amigos, famiya i unotras presonas ke por distintas kavsas no pudieron partajar ese esmovido momento, ma sí se topavan en muestras mientes i korasones.
La kompanya de los keridos…De siguro no mos asperávamos un arresivimiento tan ermozo ma tambyén, porke no dizirlo, tan meresido, sovre todo esto pensando en mi madre Matilda, la kreadora de muestro programa de radio “Emisión Sefarad” i de muestra Asosiasión Kultural Luz de Sefarad i ken puja todo muestro ancho lavoro tanto en verso la Emisión, muestro programa de radio en Radio Nacional de España, Radio Exterior ke ansimezmo kreara eya unas kuashi veintiocho anyadas atrás, mi kerida madre Matilda, a ken desde akí kero rengrasiar por todo modo de ensenyansa tanto oral, komo eskrita, su pasión a las oras de avlar, eskrivir o pensar en un muevo programa de radio, kada semana..
Ansimezmo en esta data fueron omenajeadas la Radio Nacional de España , la Radio Exterior de España i la Radio 5, los espasios kulturales ke vinimos aziendo en munchas anyadas tambyén yamados komo muestra Asosiasión Kultural: Lus de Sefarad, son munchos los oyentes kon los kualos kontamos en tantas anyadas de lavoros, no soltanto en la radio sino en espektákulos, resitales muzikales i poétikos, presentasiones, enkontros, kongrezos i konferensias en las kualas partajamos las dos kon ancho plazer en sivdades de España i ansimezmo del eksterior.
El maestro de seremonias…A la kaveza de este omaje se topa el Consejo de la Comunidad Sefardí de Jerusalén, i todo esto aparejado por Abraham Haim, a la kaveza de esta importante Institusión, él es ansimezmo Katedrátiko de Istoria Djudía i Sefardí i Komendador en la Órden del Mérito Sivil, investigador i ken iziera esa data del sesh de Diciembre una atirante vijita guiada kon anchas eksplikasiones de la vida i istoria de estas Kuatro Sinagogas Sefaradim, su pazado i su presente. Ansí se adjuntaban karinyo i memoria en una suerte de kaminata por esos espasios ke paresían kontar su propia istoria, azer la deskuverta de sus mesajes okultos en el tiempo, todos los musafires a este omaje partajamos esta rekreasión de distintos tiempos de las Kuatro Sinagogas Sefaradim, todo esto se akontesió en la prima de estas Kuatro Sinagogas, la de Rabí Yohanan Ben Zakkai, “Kahal Kadosh Gadol”,.
Dempués konosimos la Sinagoga de Elihau Hanaví, afamada ansimezmo kon el nomvre de la Sinagoga de la Kongregasión Talmud Torá, la Sinagoga Emtzai, Kongregasión de Sión i la Sinagoga de Istanbul, todas ermozas Sinagogas ke kontan kon munchas anyadas de istoria, Ente las diversas eksplikasiones pudimos konoser ke no se save bien el orijín de la Sinagoga Rabí Yohanan Ben Zakkai dunke no se topan munchos dokumentos a este sujeto, ma savemos ke esta gran Sinagoga ke nase en fines del s XVIII era la más grande i magnífika i se trokódestakando entre todas las Sinagogas del país komo la Gran Sinagoga Sefardí i dempués komo Gran Sinagoga de toda la Komunidad,, ma pudimos konoser ke komo mos dize el livriko de las Kuatro Sinagogas ke mos ofresieron injunto a la ermoza Medalya eksiste una tradisión ke dize ke la santidad de este lugar se deve a los tiempos del Sigundo Templo, dunke el afamado savio talmúdiko Rabí Yohanan Ben Zakkai avía ensenyado sus lisiones en el lugar onde oy día se alevanta esta importante Sinagoga ke yeva su nomvre.
En las unotras Sinagogas, komo en la de Istanbul destaka un Arka de la Ley, Aron Ha Kodesh, ermoza, vinien de la Sinagoga de Ancona, la kuala fue destruida munchas anyadas atrás, se topa dekorada kon ermozas gravuras, las Tavolas de la Ley se topan en la parte de dientro de las dos puertas superiores i una chika kúpula komo kurona del Arka onde se melda “La Kurona de la Tora”, kale destakar frente a este Arka unotra de la Sinagoga italiana de Pésaro ke oy día no eksiste más. La Sinagoga de Pésaro fue destruida kuando la sivdad fue restaurada , es ansí ke los artistas italianos dekoraron este Arka komo se lo imajinavan en el s XVIII, kuatro pilares se alevantan desde la baza kon un ermozo marko dekorado i la inskripsión ke dize “Inklínate ante el Senyor en reverensia” i una de las más viejas i importantes Arkas sefaradim fue renovada en la Sinagoga yamada Eliahu Hanavi, de akodro a la tradisión esta atirante Arka de la Ley del s XVI kon sus magnífikas gravuras fue traída de la Península Ibérica a Livorno, esta Sinagoga de Livorno ansimezmo fue derruida malorozamente en la Sigunda Guerra Mundiala, es ansí ke la Komunidad de Livorno ofresió el Arka a Yerushalaim onde fue destakada i restaurada su vieja ermozura. I en la Sinagoga de Emtzai topamos un Arka del s XVIII ke apartenía a la Komunidad deSaluzzo en Piamonte, un Arka afamada por los disenyos ke se topan en el interior de las kuatro puertas, por endriva de estas puertas se melda “ Sepas delantre de Ken te Topas”, kale destakar ansimezmo ke la parte de endriva del Arka de la Sinagoga Rabí Yohanan Ben Zakkai konta kon unas Tavolas de la Ley fraguadas en mármol de Carrara, en el pazado dekoravan el frente de la Sinagoga de Livorno, ma en siendo derruido, fueron resgatadas de en medio la destruisión.
Varios kandelavros de las Sinagogas italianas dan ermozura a estas Kuatro Sinagogas Sefaradim grasias al arkitekto Dan Tani ke fue el shefe de la restaurasión de todas las kozas relijiosas, todas estas djoyas vinien de Italia destakan agora de modo enshemplar en estas Kuatro Sinagogas Sefaradim del Viejo Kartier Djudió de Yerushalaim, es ansí ke fue ermozo toparmos en esta data kon tan buena kompanya, maestro de seremonias i musafires, rengransiar de muevo a todos eyos.
Rekodrando los emepsijos…Munchas anyadas atrás tuve ke deshar mi amada tierra de Argentina para morar en Sefarad, la vedra, sin muncho plazer en los empesijos, ma es de rengrasiar a la Radio Nacional de España ke kontratara a mi madre, ken kon toda su famyia detrás deshó tambyén su tierra i todos vinimos a morar a Sefarad, komo un muevo empesijo de vida. No desho de rengrasiar oy día a esta amada tierra de Sefarad onde nasieron mis dos trezoros, mis ijos Darío y Yael.
Kon las anyadas tambyén me topo muy agradesida a mi madre, Matilda, de ken me ambezí esta rika kultura, ke es parte de muestro propio trezoro familyar, sin ulvidar a Meryam Codrón avuela de mi madre, de ken konservimos su lingua, kantes, refranes, kuentos, istorias i todo modo de tradisión kultural ke pude guadrar i ansimezmo rekrear aziendo naser munchas bezes yo mezma, muevos kantes, poesías i kuentos en muestra lingua. Es ansí ke indemás de kompartir famiya, Matilda i yo, madre i ija, semos dos amadoras de este riko patrimonio, munchas tadres i nochadas pasamos las dos en la kamareta kreando muevas istorias para kontar, muevos enkontros o ideas para amostrar esta kultura tan ancha ke no konta fin.
Rengrasiando…Muncho lavoro se topa detrás de este esforzo, munchos estudios, entrevistas, istorias, djentes, munchas nochadas sin durmir para dar a muestros amigos i oyentes muevas ideas i javeres de todo el mundo ke tokan a muestra kultura sefardí.Ansí nasió muestro cd “En Prinsipio” kon estas palavras ke son komo saven las ke dan empesijo a la Torá, muestro Livro de vida, kon kantes tradisionales, romanses, liturgia i tres kantes kontemporáneo ke tuve el plazer de kompozar i kantar en este cd. Dempués yegó muestro gran proyekto, dunke adjunta a tres djenerasiones de sefaradim, mi madre, Matilda, mi ijo, Darío i yo mezma, ke entre poesías i múzikas reushimos kon un kudiado lavoro de seshenta poesías muzikadas por Darío Meta, ke agora es elevo en el Conservatorio Superior de Música de Castilla y León, en Salamanca, i ke kon soltanto katorse anyadas ofresió las múzikas en piano para estas poesías ke en muestras bozes aparesen en el livro “La Ija i la Madre Komo la Unya i la Karne”, un enshemplo de vida, esfuenyos i amor, ke se trasmete de djenerasión en djenerasión traverso el arte de poder lavorar i krear injuntos.
Siempre mos topamos kon muevas ideas en múzika, kultura, eskritura, programas i distintos kaminos atados a muestro riko patrimonio kultural en el mundo por entero.
Kero profitar i rengrasiar presonalmente a todos los amigos, oyentes, kompanyeros de lavoro, ke azen puzivle tambyén rekrear kada día la bivensia de esta rika kultura ke se anchea por sus propios méritos en el mundo por entero.
A kontinuar kon esfuenyos ke en el avenir serán realita…
Fotografías: Pepe Fainberg
Deseo aprovechar esta detallada y precisa reseña, que nos ofrece aqui la siempre kerida y admirada Viviana Rajel Barnatan, para sumarme a las multiples muestras de felicitacion, que a buen seguro han venido recibiendo su Mádre Matilda y ella misma, con motivo de tan merecido homenaje , a una labor árdua y exitósa a la par que prolongada en el tiempo, al frente del espacio en «lingua djudeoespanyola» que con gran predicamento dirigen y presentan en las ondas de RNE
Un programa el suyo, entrañable para quienes que lo sintonizamos asiduamente, ademas de necesario para el mantenimiento y difusion, de una la lengua como la djudeoespanyola, amenazada por el peligro de extinccion, y a la que es preciso «rescatar» y actualizar como ellas lo viene haciendo, con creciente reconocimiento
Mi mas efusiva felicitacion pues para ámbas …
Deseo sumar mi voz, a las numerosas muestras de felicitacion que a buen seguro han venido recibiendo Matilda y Viviana Rajel Barnatan, por el merecidisimo Homenaje que les ha sido tributado recientemente en Jerusalen
Tal reconocimiento viene a hacer justicia, a la ámplia y dilatada trayectoria llevada a cabo por ámbas, al frente del espacio en «lingua djudeoespanyola» que se emite en las onda de RNE, con creciente índices de audiencia …
Me cabe a titulo personal, confesarme asiduo escuchante de dicho programa, el cual sintonizo regularmente, considerando su importancia en la tarea de difundir esa hermosa y amenazada lengua, labor en la que llevan implicadas Matilda y Viviana Rajel, con notable éxito, y por la cual nos cabe aqui hacer reseña de gratitud y afecto …
Quiera desearles MAZAL TOV, a estas dos judías orgullosas de su linaje y su lengua ancestral.
Luchadoras y defensoras de sus ideas y principios, ejemplo para los mortales de lo que es una idea llevada al máximo exponente.
Escuchar sus lindas voces a en los programas de RNE, vuestras poesís o canciones, nos hace extrapolarnos a otro mundo, al de nuestros antepasados, «como cantes de plateadas sirenas».
Querida y mi respetada Matilde Gini Barnatán, a mi mujer y a mi nos impresionaste como una verdadera matriarca del judaísmo. tus palabras son manantiales de conocimiento y amor por el judaísmo y lo Ladino.
A ti su respetable hija Viviana, no tenemos palabras para poder decir que eres una persona que haces gala del árbol que vienes, orgullo para tu madre que cada vez que habla de ti su rostro se ilumina.
Os felicito y pos deseo lo mejor y que pronto veáis muchos más premios y reconocimientos a vuestro trabajo que os lo merecéis.
Tanto Mem Guímel como yo de forma particular, os damos las gracias por todo lo que nos estáis dando y con vuestro trabajo dejando un mejor legado a nuestros hijos.
MAZAL TOV.
Caminos de Leche y Miel
MEM GUÍMEL Y MORDEJAY GUAHNICH
Queridas Matilde y Viviana, fuerte abrazo a las dos. Encantado de que os hayan dado este merecido premio. Con mucha alegría. Rafa Cámara. Jaén.