eSefarad Noticias del Mundo Sefaradi
Kada anyo ay diya ke fyestimos el dia de las mujeres, en el mundo entero.
Jeneralmente (genellikle) ay una idea ke; si sos mujer, azes todo!…. Reelmente es verdad.
Si somos mujeres, estamos azyendo todo.
Estamos engrandesyendo a las kriyaturas, mirando a kaza en todos los puntos de vista (her alanda), mos estamos iyindo al echo, estamos dirijando i menajando (idare etmek) a los maridos, i munchas otras kozas.
Komo está el ijo en la eskola, tyene problema kon los amigos o la profesora, esta hazino, kualo gizare para la noche?… İ estas kestyones pueden allargarsen el karar ke kero…
Ser mujer es un talento (kabiliyet) de organizasyon inkreivle (inanilmaz). La kapachitad de pueder ver i azer, de azer todos los echos endjuntos. Esto no tyene un raporto kon la kultura de la persona. Esto es una partikolaridad ke vyene de aryento del korason de kuando nasimos. I las mujeres kazalinas (köylü) son kapaches de azer todo.
Todas las mujeres son iguales (eshit).
Yo penso ke, si no ay mujer, no ay kaza, no ay la kayentor de una famiya. La mujer es todo para detener el ekilibro de la famiya, fyestar las fyestas, aparejar las komidas savrozas i aunar (birleshtirmek) a la famiya.
Entonses, la proksima semana ya es “PESAH”; ke es una de las mas grandes fyestas, i ke kontinua una semana.
Es el simbolo de la independensya (özgürlük), i de la salvasyon (kurtulush) de la nasyon israelyana.
La liberasyon del esklavaje (esaret) de Misrayim.
Pesah es la mas grande fyesta; porke eya trusho la idea de la libertad, de la independensya a todas las kulturas del mundo entero (dünya kültürleri).
Pesah metyo en medyo (ortaya koymak) komo una valor sosyal (sosyal deger) el derecho de bivir independente de la persona, antes 3000 anyos de la revolusyon franseza (fransiz devrimi), por la primera ves. Eyos tomaron fuersa de este evenimento, para no pedrersen (kaybolmak) i machukarsen (ezilmek); malgrado todas las matansinas (katliam) i egzilos (sürgün) ke les vino a la kavesa.
Eyos kedaron en pyes (ayakta) grasyas a la konfiensa (inanch) ke tuvyeron al Dyo.
La seremoniya ke se aze esta noche mos akodra las valores universales (evrensel degerler) komo la independensya i la kavod, la dinyita (onur) de la umanitad (insanlik), ande i komo nasyeron estas valores i akodrarmos ke no mos puedemos arrepintirmos (vazgechmek) de estas valores.
La seremoniya del Seder; es mostrar a los mansevos, el mesaje de kontinuar muestras tradisyones komo esta fyesta, i responder a todo modo de kestyones de los chikos.
Para pueder bendizir (kutsamak) la fyesta se beve un vazo de vino, ke todos toman un sorvo.
El lavar de las manos, es el simbolo de la purifikasyon (arinma).
La oja del apyo se unta al vinagre, i se kome para akodrarmos de los dias amargos ke pasaron.
Se aze la orasyon de la Matsa, i se kome dos pedasikos.
Despues ke se eskapa de komer, kon el treser vazo de vino pasamos a las orasyones de regrasyamyento (shükran).
El guevo duro ke se mete a la meza, es el simbolo del Korban. Maror es una planta (bitki) amarga, para akodrar las sufriensas (aci) de los djudyos.
El Haroset es el simbolo, de la nostaljiya (hasret) a la independensya.
El vinagre es el simbolo de las lagrimas (gözyashi) ke vazyaron en Misrayim.
Asigun la Hagada; Pesah se fyesta en echando tino a sinko elementos (unsur).
Korban, Matsa, Maror, bever 4 vazos de Vino, i meldar la Hagada.
Estas komidas savrozas, son aparejadas por las “MUJERES” kapaches i muy reushidas…
PESAH alegre, kon todos djustos, kon sanedad, pas en el mundo entero, felisidad (mutluluk) en todas las kazas i ke seyga fasil para todas las Mujeres…
!Pujados i non aminguados
Fuente: http://arsiv.salom.com.tr
